Mænuskaðar mun fleiri en áætlað var

 

Í Bandaríkjunum var nýlega gerð könnun á fjölda mænuskaðaðra og komu tölurnar nokkuð á óvart.

1.275 milljón manns búa við mænuskaða og 5.6 milljónir við lömun af einhverju tagi.

Fyrri áætlanir gerðu ráð fyrir 250.000 manns með mænuskaða og um 4 milljónir með einhverja lömun í líkamanum.  

Meira um þessa könnun hér:

http://communities.kintera.org/Reeve/blogs/daily_dose/default.aspx 

Þarna kemur líka fram að mænusköðum hefur fjölgað gífurlega um allan heim vegna aukins hraða í þjóðfélaginu og mikillar aukningar á frítímaslysum. 

 

 

NBA úrslitakeppnin og Chicago Bulls

Chicago Bulls á góðum endaspretti fyrir Úrslitakeppnina. Mínir menn muna sinn fífil fegurri.

 

 Nú er Chicago Bulls hinsvegar í 6 sæti og öruggir með a.m.k. 7 sætið í Austurdeildinni og mæta líklegast Boston Celtics eða Orlando Magic í fyrstu umferð Úrslitakeppni NBA.

Síðasti sigurinn í fimm sigurleikja röð var gegn nágrönnunum í Detroit Pistons á þeirra heimavelli.

Þetta var mikill baráttuleikur og hefur Chicago ekki leikið með jafnmikilli ákveðni og baráttu í langan tíma.

Allir leikmenn lögðu sitt af mörkum og fremstur í flokki Derrick Rose sem margir telja að verði valinn nýliði ársins í NBA. 

Sigurinn var líka mikilvægur vegna þess að með honum komst Chicago hjá því að leika við Cleveland Cavaliers í fyrstu umferð, liðið sem flestir óttast þetta árið. 

 

Það verður spennandi að fylgjast með úrslitakeppni NBA þetta árið. 

 

 

Sjúkrabílar í Rangárþingi

Heilsulandið Ísland. 

Sparnaður sparnaður.......Nú stendur fyrir dyrum skerðing á þjónustu Sjúkrabíla í Rangárþingi.

Þessi gjörningur á að hefjast þann 1 Júní. Þá verður einn Sjúkrabíll og einn starfsmaður sem á að sinna daglegum skyldum á dagvinnutíma. Í dag eru tveir bílar til taks og fjórir starfsmenn (á vöktum) sem eru til taks á bakvakt að loknum dagvinnutíma. Í stað þess á sjúkrabíll að koma frá Selfossi. Tölur segja að ferðir Sjúkrabíla í Árborg hafi stóraukist á síðast liðnum árum og þetta því væntanlegt viðbótarálag á þá þjónustu.

Þetta er með öllu óskiljanleg ákvörðun og forkastanlegt að lengja viðbragðstíma neyðarþjónustu með þessum hætti ! Rangárþing er stórt og íbúar dreifðir, að auki er í Rangárþingi ört vaxandi ferðaþjónusta og mikil aukning ferðamanna.

Lögreglan á svæðinu hefur líst yfir áhyggjum sínum af þessari skerðingu og skiljanlega uggur í heimamönnum! Þetta er þó ekki eingöngu mál okkar Rangæinga, mikil umferð er milli lands og Vestmannaeyja í gegnum Bakkaflugvöll og mun sú umferð væntanlega stór aukast með tilkomu Bakkafjöruhafnar, en Þar er nú þegar mikið af starfsmönnum í nokkuð áhættusömum störfum.

Um 400 börn í Rangárþingi öllu ferðast með skólabílum fram og til baka daglega við misgóðar aðstæður á veturna í löngum akstri.

Viðbragðstími Sjúkrabíla í Reykjavík hefur borðið á góma í samanburði en ég hef heyrt að æskilegt sé að Sjúkrabíll í Höfuðborginni sé kominn á staðinn innan 7-10 mínútna.

Sjúkrabíll sem á að koma frá Selfossi á Hvolsvöll (þar sem bílarnir eru nú staðsettir) fer 50 km leið á þjóðvegi 1. í forgangs-akstri og svo útí sveitirnar, það sjá allir hversu biluð þessi hugmynd er!

Ég er þó afskaplega glaður með það að íbúar Rangárþings hafa sjálfir ekki gefið upp von um "leiðréttingu" á þessu bulli. Og í dag er ört stækkandi grúppa á Facebook að mótmæla og greinilegt að almenningur er sammála okkur.

Vonbrigðin! Að ég finn ekkert um málið á svokölluðum "fréttavefjum" á Suðurlandi

Tengdir tenglar: 

Sjúkrabílar í Rangárþingi - mótmæli á Facebook

http://www.facebook.com/group.php?gid=71086386185&ref=share:

 

http://www.sudurglugginn.is/    

http://www.sudurlandid.is/

http://www.sudurland.net/ 

Auglýsingaherferð og mannréttindi

Mig langar að lýsa yfir ánægju með auglýsingar sem nú sjást í fjölmiðlum, þar sem innflytjendum eru færðar þakkir fyrir framlag sitt til fjölbreyttara samfélags á Íslandi.

Framtakið er til fyrirmyndar og vonandi sjá það sem flestir að með því að sýna uppruna fólks virðingu þá auðveldar það viðkomandi að aðlagast okkar samfélagi án þess að þurfa að skammast sín eða fara í felur með uppruna sinn.

Gott er að setja sig í sömu spor, ef þú ert til dæmis að flytja erlendis eða einhver ættingja þinna!

Hvernig viltu að sé tekið á móti þér þar?

 

Meiri upplýsingar um framtakið er að finna á 

 http://www.humanrights.is

"Það er mjög niðurdrepandi að lifa á tímum þar sem auðveldara er að kljúfa atóm en fordóma"

                                                                                                                   Albert Einstein

 

Gaman að sjá!

Það er hreint frábært að sjá velgengi Guðjóns Þórðarsonar með þetta lið Crewe Alexandra.

Þessi umdeildi og litríki þjálfari hefur skemmt okkur Íslendingum og fleirum út í hið óendanlega og er eiginlega okkar José Mourinho með opinskáum ummælum og oft á tíðum undarlegri hegðun.

Á Wikipedia er að finna sögu Crewe Alexandra F.C.  tengla og fleira.

Áfram Guðjón Þ.

 

 

Gylfi skoraði í stórsigri Crewe

Að kasta steini(um) úr glerhúsi.

Að maður nefni nú ekki óvirðinguna sem Alþingi okkar Íslendinga sýnir þegnum þessa lands!

Er ekki kominn tími til að taka til hendinni í stað þess að karpa um smávægileg mál sem eru ekki til neins nema að slá ryki í augu almennings á meðan krafsað er yfir skítinn!

Það er hellingur af fólki sem þarf á stuðningi að halda, þið þarna uppí í fílabeinsturninum!

Það þarf að skipta þessu eiginhagsmuna liði út, eins og það leggur sig bæði á þingi og í flokksforystum.

Óvirðing við Alþingi

Englands, Evrópu og HEIMSMEISTARAR félagsliða Manchester United

Það er alveg magnað hvað maður þarf að vera upplýsa þessa fréttaritara endalaust! :)

Svo þurfa þeir nú að læra að nota stafsetningar púkann!

18 klukkustundir og 23 mínútur

Finnum Geiturnar þá höfum við sökudólgana!

Nú þrengist hringurinn verulega um þá sem komu fjármálahruninu af stað á Íslandi!

Það er ekkert "skrýtið" að engir sökudólgar hafi fundist... ennþá.... breyttu sér bara í geitur eða jafnvel önnur húsdýr hvað veit maður hvað svona útsmogið fólk er fært um:)

Annars er bara nokkuð gaman að fylgjast með úr fjarska hvað fólk er orðið mótmælaglatt á Íslandi, jafnvel farið að mótmæla mótmælendum.

En uppúr stendur þó hvað spillingin er farinn að skríða upp á yfirborðið og vandræðalegir pólitíkusar reyna að bjarga eigin skinni.

Almúginn má eiga sig eins og endranær og fær ekki einu sinni skuldbreytingar í Bönkunum þó að þeir séu nú í eigu ríkisins.

Pólskur kunningi minn sem vann með mér, sagði að Þingmenn í Póllandi mættu ekki eiga í fyrirtækjum eða vera fjárfestar í verkefnum tengdu Pólska ríkinu, hef á tilfinningunni að það hafi gleymst að skoða svoleiðis siðferðisreglur á Ízlenska þinginu.

 

 

Þjófur breytist í geit

Bloggfrí.

Um leið og ég óska öllum sem ég þekki (sem og öðrum þeim sem koma við hér í Fjarkalandi) gæfuríks árs.

þá ætla ég að taka mér bloggfrí í óákveðinn tíma.

Fréttir af ferðum mínum og uppátækjum, fyrir áhugasama má finna á heimasíðu minni www.porterhouse.is

Með nýárs-kveðju frá Rússlandi. Finnur Bjarki

www.porterhouse.is

 

Fallegur Jóladagur

Það var fallegt á Finnska-flóa þegar ég leit út í morgunn. 

Rennisléttur sjór og og kalt úti. Þetta eru ákaflega sérstök Jól, þar sem ég er fjarri fjölskyldunni í fyrsta skipti, og við félagarnir á skipinu erum allir í sömu stöðu hvað það varðar.

 Góður andi er um borð og allt til þess að halda fín Jól.

Við fengum Jólagjöf frá vinnuveitandanum og hún er ekki af verra taginu, við verðum á Hóteli í Petursborg um Áramótin í þeirra boði.

Rússnesku vinir okkar gáfu okkur líka gjafir þrátt fyrir að þeir séu ekki að halda Jólin núna.

Þeirra siðir eru með öðrum hætti og m.a. taka þeir 5 daga frí frá 1 Janúar eftir áramótin eins og við höldum þau.

Jólin þeirra eru 7. Janúar og Áramótin þann 14 Janúar

Svo að framundan eru miklar veislur hjá okkur út Janúar:)

Að lokum langar mig að óska öllum sem þetta lesa, Gleðilegrar Hátíðar og farsældar á nýju ári!