Siðferðisbrot en ekki agabrot.

Þar var nú presturinn heppinn........ að vera sekur um siðferðisbrot!

En ekki agabrot. Það hlýtur að vera miklu skárra.

En svo má gjarnan einhver útskýra fyrir mér af hverju siðferðisbrot er ekki agabrot! Er ekki siðferðisbrot merki um agaleysi?

Agaleg vitleysa er þetta!

Hyggst hafa boðskap biskups að engu

Joseph Stiglitz

 

Verðtryggð húsnæðislán, sem og gengistryggð lán, eru áhættusamningar, sem stjórnvöld hefðu átt að vara almenning við. Þau eru gölluð vara, sem stjórnvöldum ber að endurskoða. Þetta segir Joseph Stiglitz, Nóbelsverðlaunahafi í hagfræði.

 Úr grein á vísi.is (Þetta er skyldulesning!)

http://www.visir.is/article/20090909/FRETTIR01/285799869

Þetta er spurning um skilvirkni, félagslegt réttlæti, félagslega samstöðu og réttsýni," segir Stiglitz  

Viðskiptasiðferði Símafyrirtækjana.

Meira af Textavarpi RÚV:)

Ég fann ekkert um þetta mál á mbl.is eða visir.is enda hafa símafyritækin sjálfsagt sagt þessum fjölmiðlum að auglýsingum myndi fækka eða eitthvað í þá veruna!

á Digital öld Þá leifa þessi fyrirtæki sér að rukka fyrir hverja mínútu sem byrjuð er í samtali þó að það sé aðeins ein sekúnda! Sum eru reyndar með 10 sekúndna reglu. En á tímum digital þá væri hægast að keppa um að vera með þetta hárnákvæmt eins og í keppnishlaupi!

Símtalið varaði í 1 mínútu 09 sek og 23 sekúndubrot.

Ég á erfitt með að finna góða samlíkingu við vörusvik eins og þessi.. en kannski í þessa veru:

Þú ferð í Kjötborð og kaupir 2 sneiðar af kjöti og borgar fyrir allann vöðvann! Sanngjarnt ekki satt!

Eða þá að þú kaupir vöru í reikningsviðskiptum og sölumaðurinn/eigandinn bætir svo á reikninginn eins og honum sýnist.........hhuummm!!!  Enginn líking þetta er nákvæmlega það sem þeir gera! 

Það er a.m.k. ekki hægt að saka þessi fyrirtæki um góða þjónustulund við viðskiptavini sína.

Nú er mikið talað um siðferði í stjórnmálum og reyndar líka í viðskiptum en ekki hjá Símafyritækjum. 

En hér er fréttin orðrétt af Textavarpi RUV:

Dulin verðhækkun á símtölum             

Síminn, Vodafone og Tal rukka viðskiptavini sína fyrir hverja byrjaða mínútu símtals úr farsíma.

Á símreikningi frá þessum fyrirtækjum  telst símal því aldrei styttra en ein mínúta. Þetta þýðir að viðskiptavinir   þessara fyrirtækja borga nú að  meðaltali fyrir 30 ónotaðar sekúndur í  hverju símtali. Í tilkynningu frá PFS  segir að fyrir mars hafi Síminn og Vodafone rukkað fyrir hverjar byrjaðar 10 sekúndur. Þá hafi verið borgað að meðaltali fyrir 5 ónotaðar sek. í hverju símtali. Neytendur eigi erfitt með átta sig á þessu miðað við þær upplýsingar sem þeir hafi. Því megi segja að þetta sé dulin verðhækkun miðað við almennar verðskrár. Nova rukkar fyrir hverjar byrjaðar 30 

Hlustaðu á Mömmu þína!

Enginn leikmaður er stærri en félagsliðið sem hann leikur fyrir.

Ég tek því undir með Eric Cantona að Manchester United heldur áfram að vinna þó að Ronaldo fari.

Það skipti ekki miklu máli með Beckham, Van Nistelrooy og fleiri sem hafa farið, sennilega hefur þó verið erfiðast að fylla  skarðið þegar Roy Keane hætti. Allir hætta einhvertímann.

Það er alltaf missir og jafnvel vonbrigði þegar góðir leikmenn hætta hjá Man Utd en jafn harðan stíga inn nýir frábærir leikmenn á sjónarsviðið.

Ronaldo er Englands og Evrópumeistari með Man United, dáður og virtur af fylgjendum félagsins og tiltölulega ungt lið United á bjarta framtíð fyrir höndum. Vissulega er hann skemmtikraftur á vellinum sem ég vill halda hjá United eins lengi og mögulegt er.

Real Madrid hefur ekki verið að gera það sérlega gott undanfarið í Meistaradeildinni en þó unnið Spænska titilinn tvö ár í röð. Innanbúðarerjur og valda pólitík hafa farið illa með þetta fornfræga og sigursæla lið og þeir virðast sjá lausnina á öllum þeirra vanda í C. Ronaldo.

Hjá Manchester United er hann umvafinn vinum og fólki sem styður við bakið á honum. Ég er ekki svo viss um að hann vilji stökkva þangað strax, þó að hann fari kannski síðar meir. Enda alla tíð sagt að honum langi að leika á Spáni einhvern tímann á ferlinum, svo að það hefur aldrei verið leyndarmál.   

En ég held að honum sé hollast að hlusta á Mömmu sína að þessu sinni því hann virðist ákaflega áhrifagjarn þegar hann er kominn út fyrir Manchester. 

 

Mamma segir að Ronaldo fari hvergi

David Beckham

Það er ennþá líf í David Beckham, skondið mark hjá honum!

Frelsi - til hvers?

Frelsi er vandmeðfarið! 

Það vekur oft athygli mína hversu vel við erum að okkur um aðrar þjóðir og þeirra menningu, sérstaklega í samanburði við okkar einstaka og ágæta land. "Bezt í Heimi" Segir þar alla söguna.

Í einni spjallþrætunni sem ég las þá snérist þrætan að hluta til um Ingibjörgu Sólrúnu og hvers vegna hún bæri slæðu við heimsókn í Islams ríki. Sumum fannst þetta undirlægjuháttur, öðrum kurteisi við menningu viðkomandi lands, og ef ég bæti við þá gæti það líka verið vegna sólarinnar og öryggisráðstöfun.

Einhver sagði að "þetta fólk tekur ekki niður slæðuna þegar það kemur hingað til lands" eins og það sé  alger óvirðing!

Ég spyr: Er það óvirðing við okkur staðföstu frelsishetjurnar að gestir okkar taki ekki niður slæðu þegar komið er á skerið?

Hvað með þetta frelsi sem við státum okkur af?

Er þetta hentisemi frelsi, sem er ekki ætlað öllum nema með ákveðnum forsendum?

Vegna þjóðernis eða trúar erum við að ætla þeim að leika eftir okkar reglum...Vestrænum Frelsis reglum!!!

Þá er nefnilega við hæfi að banna viðkomandi að hafa slæðu og svipta af viðkomandi því val-frelsi!

Mig minnir að mér hafi verið kennt í barnæsku að þetta væri kallað tvöfeldni,rætni,illgirni,einelti eða eitthvað í þá átt.

Það má því sennilega kalla mig öfga frjálshyggjumann því að ég vill gjarnan sjá blandaðan heim af öllum þessum frábæru menningar fjölbreytileika, ef fólk vill blanda menningu eða kynþáttum þá er það þeirra val sem þýðir frelsi í mínum huga.

Þeir sem ekki vilja blandast á einn eða annan hátt hafa val líka og þar með sitt frelsi!

Klæðaburður á vesturlöndum er mjög frjáls, svo frjáls að jafnvel ég er orðinn þreyttur á allri þessari nekt og krefst þess að konan mín sofi í náttfötum, sem væri frelsis-svipting ef hún væri ekki svona glöð með það :) 

Mín skoðun er sú að við eigum að hjálpa innflytjendum að aðlagast okkar þjóðfélagsgerð án þess að taka frá þeim þeirra hefðir eða gera lítið úr þeirra uppruna.   

En svo eru líka til þeir sem vilja þvinga þeirra frelsi upp á aðra, frekar stórt dæmi er utanríkisstefna USA við flestar aðrar þjóðir! Þessi mikla frelsis þjóð sem ég dái svo mjög að öðru leiti.

Einstaklingar eru jafn hættulegir í frelsis þvingun.

Frelsi fyrir einn til að gera það sem honum sýnist er oft á tíðum frelsissvipting fyrir þann næsta. Nefnum t.d.  Barnaþrælkun og Vændi!  Frelsi er tvíeggja sverð!

Það er því miður oft þannig að við ætlumst til þess að gestir þessa lands geri eins og við í einu og öllu! Þá á ég við að gera eins og ÉG í einu og öllu!

Og verða fangar í frelsinu með mér!

 

 

 

 

Réttindi Norna.

Hvernig skildi nú staðan vera hér á landi í málefnum Norna.

Sérstaklega varðandi náðanir á Nornum sem dæmdar voru fyrr á öldum? Eins og í þessari frétt frá Skotlandi.

Ég man alltaf eftir sögunni af ungum dreng sem var afskaplega hreykinn af móður sinni.

Þau höfðu hrakist úr vist af Norðurlandi vegna ágangs bóndans og voru á leið til Vestfjarða ef ég man rétt og einhversstaðar á leið þeirra var Á sem var það öflug að menn áttu ekki gott með að fara þar yfir nema á hestum.

En móðirin dó ekki ráðalaus og fann sé steinhellu sem hún kom upp á axlirnar á sér og þar ofan á klifraði svo strákurinn.  Og síðan lagði hún í ána meira og minna i kafi en þau mæðginin komust loks yfir.

Eitthvað fannst mönnum þetta of yfirnáttúrulegt til að vera satt, þegar strákurinn var að hreykja sér af afrekum móðir sinnar.

Í stuttu máli var móðirin dæmd Norn og sett á bálköst!

Falleg saga um dugnað og heimsku! 

 

Síðustu nornirnar náðaðar

Guðs útvalda þjóð.

Ísraelar eru langþreyttir á skærum frá Palestínumönnum sem er skiljanlegt.  Svo að þeir byggðu vegg að ég hélt til að vernda sjálfa sig.

En svo kom í ljós að þessi veggur er byggður a.m.k. á stórum hluta eingöngu á Palestínsku landi (Palestína er báðum megin veggsins)! Svo að bóndi er klipptur frá ræktunarlandi sínu t.d.

 Ég á kunningja sem er Ísraeli og fluttist(hraktist) til Bandaríkjanna út af ástandinu.

Hann vill ekkert ræða þetta of mikið en glöggt má heyra að hann er ekki stoltur af samlöndum sínum og ungafólkið í dag er ekki jafn ginkeypt fyrir pólitískum áróðri eins og áður.

Internetið hefur gefið fólki meiri aðgang að upplýsingum en pólitíkusar á svæðinu hefðu kosið.

Stór hluti yngri kynslóða í Ísrael kennir landnámi Ísraela um hvernig staðan er í dag og mjög þreytt á ástandinu.

Þetta unga fólk hefur áttað sig á því að Ísraelar og Palestínumenn þurfi að læra að lifa saman og það er vilji meðal almennings til þess!

Því miður er þetta að miklu leiti ennþá í höndum gamalla pólitíkusa sem viðhalda áratuga löngu ástandi. 

Þegar Jesú kenndi "fyrirgefningu" og "hinn vangann" þá voru Ísraelar fyrir löngu orðin Guðs útvalda þjóð. Svo að hans kenningar hafa aldrei verið hluti af Gyðingatrú og þeir vilja sem minnst um hann heyra.

En þessi út úr dúr er bara til að fólk átti sig á að á Vesturlöndum eru flestir Kristnir og því höfum við takamarkaðan skilning á þessari deilu sem hefur staðið í yfir 40 ár!

Ef Jesú Kristur hefði fæðst í Belgíu þá værum við sennilega ekki að skipta okkur af þessu frekar en Rúanda og Mjanmar.

 

 

 

 

 

Rafmagnsleysi á Gasa

Ferskur Heimspekingur.

Ég horfi ekki oft á Silfur Egils, en í gærkvöldi rétt fyrir svefnin þá sá ég umræðu um Islam með afslætti.

Þar var Magnús Þorkell Bernharðsson ásamt  Viðari Þorsteinsyni titlaður heimsspekingur og ritstjóri Islam með afslætti.

Viðar var vægast sagt skemmtilegur og röggsamur í sínum málflutningi.

Eg tek undir það með honum að Islam í heild sinni er fordæmt og hann vill fá málefnalegri og sanngjarnari umræðu um Islam.

Það var ekki laust við að Egill Helgason væri orðinn talsvert reiður vegna þess að Viðar þessi var með sterk rök fyrir því sem hann sagði og hikaði ekki við að segja sína skoðun þvert ofan í Egil sem var ekki allveg undirbúinn undir svona ákveðinn ungann mann að því er virtist.

Þetta var stutt spjall í enda þáttarins, en ég hvet Egil (sem les þetta örugglega:) til að taka eins og einn þátt um málefni trúarbragða. Það held ég að sé öllum hollt og þá þarf þessi Viðar Þorsteinsson að vera með! Það er á hreinu!   

 http://dagskra.ruv.is/streaming/sjonvarpid/?file=4366861