Hagsmunir þjóðar!

Það er að mörgu að huga þegar hagsmunir þjóðar eins og Kína eru annars vegar!

Fáfróður landbyggðarmaður eins og ég gerði mér ekki grein fyrir mikilvægi þess að vera ekki með skakkar tennur í söngatriði, þrátt fyrir einstaka sönghæfileika.

Ég rakst á þessa grein í vísi.is og hafði gaman að. Ekki vegna blekkinga leikja Kínverja í kringum Ólympíuleikanna, heldur var ég haldin þeirri ranghugmynd að Kínverjar væru ekki jafn hégómlegir og við vesturlandabúar.

Þegar svona skipun kemur frá Kommúnista flokknum sjálfum varðandi útlitsdýrkun þá eru þeir búnir að tapa í hnígandi valda stefnu sinni, sem að þeirra sögn snýst um jöfnuð.

En það er að sjálfsögðu barnaskapur í mér að búast við öðru þegar mannréttindi eru eins og þau eru í sama landi.

Útlitsdýrkun er og verður sjálfsagt alltaf til staðar, allstaðar. 

 

Með of skakkar tennur fyrir Ólympíuleikana

Peiyi, til hægri, þótti ekki nógu sæt fyrir opnunarhátíðina.

Litla stúlkan sem söng sig inn í hug og hjörtu heimsbyggðarinnar á opnunarhátíð Ólympíuleikanna í Peking söng alls ekki neitt, heldur hreyfði bara varirnar. Stúlkan vakti mikla athygli fyrir „söng" sinn, og mætti í kjölfarið í viðtöl hjá öllum helstu fjölmiðlum landsins.

Tónlistarstjóri leikanna sá sig hinsvegar knúinn til að leiðrétta platið. Í viðtali hjá útvarpsstöð í Peking sagði hann að sú sem söng sé Yang Peiyi, sjö ára stúlka sem vann erfiða samkeppni um að fá að syngja lagið, sem heitir „Óður til föðurlandsins", á leikunum.

Skömmu fyrir hátíðina tilkynnti meðlimur í kínverska kommúnistaflokknum, sem hafði fylgst með æfingu, að sigurvegarinn væri kannski með fullkomna rödd, en hentaði ekki í hlutverkið þar sem hún væri með svo skakkar tennur.

Á opnunarhátíðinni sjálfri var þessvegna íðilfögur níu ára grunnskólamær frá Peking, Lin Miaoke, fengin til að hreyfa varirnar við upptöku á rödd Peiyi.

Tónlistarstjórinn, herra Chen, varði ákvörðunina í viðtalinu þar sem hann sagði það sem mestu máli skipti vera hagsmuni þjóðarinnar. Barnið á skjánum þyrfti að vera óaðfinnanlegt, útlit jafnt sem innri maður. Yang Peiyi hefði verið fullkomin, allt þar til athyglin beindist að tönnum hennar.

Þetta var ekki það eina sem var fegrað fyrir opnunarhátíðina. Í gær kom í ljós að hluti flugeldasýningarinnar sem birtist sjónvarpsáhorfendum hefði verið tölvuteiknaður.

Ingó og Co

 Hugsjón og gleði.

 Á láglendi suðurlands hefur tónlistarlíf verið í miklum blóma frá því að ég man eftir mér.

Fjölbreytt blóm og misfalleg en það er aukaatriði, það eru áhrifin og tilfinningin sem þau vekja!

Á bloggsíðum má þessa dagana sjá miðaldra menn og aðra hamra á Ingó og Veðurguðunum, Á móti Sól og Merzedes Club og þeirri tónlist sem þessir gleðigjafar margra ungra sem aldinna bera á borð.

Það hefur lengi loðað við Sunnlenska tónlist og okkur Sunnlendinga að við viljum skemmta okkur og þá er ekki verið að taka sig alltof alvarlega, eðli málsins samkvæmt.

Tónlist er sem betur fer tæki til að spila á margar tegundir tilfinninga, ekki bara listrænar, heldur allan skalann.

Ég vona að enginn verði sár þó að ég tali um að Labbi í Glóru, Mánar, Logar, og þeirra tíma hljómsveitir hafi átt hvað stærstan þátt í tónlistar-gleði-sköpun Sunnlendinga og sveitaböllunum, þessari meintu lágmenningu, svona til að byrja með. En nokkrar hljómsveitir úr Reykjavík og víðar hafa lengi haft gaman að því að koma á Suðurlandið og skemmta sér.

Karma,Papar og Lótus voru t.d. mikil góð ball/tónleikabönd. Ég veit að það voru ýmsar aðrar góðar dans-sveitir starfandi sem ég man ekki nöfnin á þessu augnabliki.

Á móti sól var lengi vel í skugga Skítamórals(sem var þungarokksveit) og Land & Synir. Þrautseigjan í ÁMS og spilagleðin hjá þeim heldur í þeim góðu lífi og vel þokkaðir piltar hjá flestum landsmönnum og hafa aldrei passað inní svokallaða hnakkamenningu að mínu mati.

Sólstrandargæjarnir komu inn með mikla spilagleði og húmor og á þeim tíma var mikið rót og fjölbreytt tónlistarlíf í gangi, reyndar eins og í dag. Dalton, Klaufar, Ingó og Veðurguðirnir svo dæmi sé tekið.

Ég sé að ég þyrfti sennilega að fara út í bók ef ég á að fara ýtarlegar útí þessa sögu því að svo margt kemur upp í hugann!

Sumarsmellir og gleðipopp fer samt greinilega í taugarnar á ýmsum, misvel í mig sjálfan en það er ekki nauðsyn að öll tónlist sé byggð á einhverri hugsjón, það er eins og tónlist sem kemur fólki í létt skap og maður sönglar með í sólinni sé eitthvað hræðilegt! Ég efast satt að segja að Ingó og Veðurguðirnir séu með í huga við að semja einhver meistaraverk, en þó segir mér hugur að "Bahama" sé annað "Rangur maður" fyrir okkur sunnlendinga og eigi eftir að lifa lengi í útilegum og á böllum!

En viljandi hef ég ekki nefnt nokkra gullmola sem hafa risið úr þessari meintu lágmenningu okkar Sunnlendinga

það eru söngdívurnar Hera Björk Þórhalls, Guðlaug Dröfn Ólafsdóttir og Kristjana Stefánsdóttir þær hafa allar tekið sína tónlist nokkrum skrefum lengra en gleði-poppið

Guðlaug Dröfn gaf nýlega út Jass plötu sem hún útsetti sjálf og Kristjana Stefáns er að gefa út Blues plötu með eigin lögum í bland við eldri lög og útsetningar eru í hennar höndum.

 

 

 

 

 

Snilldar flýtistöng (Toolbar)

Nú langar mig að bjóða þér að hala niður alveg frábærri flýtistöng(toolbar) á vafrann þinn.

Þetta er bara snilld!

Uppáhalds útvarpstöðvarnar þínar,

Pósturinn, Veðrið, Google leitarvél,

flýtihnappar fyrir verkefnin þín

ásamt Porterhouse tónlistarsíðu,

fréttum og fleira.

Einfalt og öruggt!

 Allt við höndina.

 Smellið á skýringamynd.

 

Hlaða niður Flýtislá-Toolbar

Einnig má sjá meiri upplýsingar á www.porterhouse.is

+

Add the coolest gadgets to your toolbar!

Marbles

Backgammon

TV

Radio

TODO

Calorie Calc

Countdown

Wikipedia

Sudoku

And many more...

 

 

Brosið býr í Hvolsfjalli.

 

Dularfullt og skemmtilegt bros sést nú á hinu glaðlynda fjalli við Hvolsvöll, Hvolsfjalli.

Ekki veit ég hvort að álfarnir í fjallinu hafi verið að verki eða geimverur í skjóli nætur!

 

 

 

Hinsvegar er þetta skemmtilegt framtak sama hver á í hlut:)

 

 

HIV/AIDS og Fótbolti

Mikael Silvestre hittir HIV smitaða einstaklinga í Suður Afríku.

Varnarmaður Manchester United, Mikael Silvestre  var hrærður yfir krafti og stolti þessara ungu barna sem hann hitti í heimsókn 'United Fyrir Unicef' í Suður Afríku.

 

  frásögn: Ken Borland
  26 Júlí 2008

Að gefa til baka:

Silvestre heimsótti verkefni þar sem markmiðið er að fræða unga Afríkubúa um AIDS og HIV.

"Þau segja að við séum að vinna með dautt fólk, en ef þú ert með eyðni er ekki þar með sagt að þú sért dauður á morgunn". Segir Thabiso  með bros á vör, en sorgin er augljós í augum hans.

Thabiso, sem er HIV jákvæður samfélagsþjónn er að tala við Mikael Silvestre sem er heillaður af heilindum og ótrúlegri jákvæðni þessa unga manns sem lifir með sjúkdóm sem mun líklega draga hann til dauða.

Það er sennilega enginn sem er jafn tillitsamur og hljótt hugsandi meðal frægra stjarna í liði Manchester United heldur en Mikael Silvestre og þessi þrítugi leikmaður er greinilega djúpt snortinn af kynnum sínum við Thabiso og aðra Eyðni-smitaða Afríkubúa sem hann hitti á skipulögðu fótbolta námskeiði  á vegum Unicef í Jóhannesarborg.

"Mig langaði að koma og hitta fólk með sjúkdóminn og sýna þeim að okkur stæði ekki á sama" sagði Silvestre. "Við erum ókunnugir þeim en þau voru ekki hrædd að opna sig og tala opinskátt um aðstæður og aðstöðu sína við okkur á einlægan og opinskáan hátt.

Þessir krakkar bera höfuðið hátt og lifa sínu hefðbundna lífi. Þau eru einnig staðráðin í a berjast við sjúkdóminn og eru mjög virk í kynningum til að hefta útbreiðslu HIV/Aids í gegnum hin ýmsu samtök, sem er gott að heyra.

Tækifærið bauðst að hitta ungt fólk með áhuga á knattspyrnu í bænum Alexandra sem er skuggahverfi við fótskör ríkustu úthverfa Jóhannesarborgar með tilkomu góðgerðar-samstarfs Unicef og United sem hefur staðið í nokkuð mörg ár.

Þetta samstarf hefur nánar tiltekið staðið í níu ár og upphæðirnar sem við höfum náð að safna eru ótrúlegar. Sem betur fer erum við hjá Manchester með stór hjörtu, sem er bara gott! Segir Mikael Silvestre.

John Shiels yfirmaður góðgerðarmála hjá Manchester United Foundation, nefndi að klúbburinn væri í raun eins og fjölskylda, sem að Silvestre vildi gjarnan vera hluti af enn um sinn. En orðrómur er um að Silvestre sé á förum aftur til Bordeaux þar sem stór-fjölskylda hans býr.

Ég á eitt ár eftir af samningi mínum, svo við sjáum bara til, mér hefur liðið mjög vel og átt frábærar stundir með Manchester United, segir Silvestre.

Annað tímabil með Evrópumeisturunum gerir starfsferilinn að áratug og gefur Silvestre rétt á góðgerðar/vináttu leik sem kann að hafa áhrif á framhaldið hjá Silvestre.

Silvestre sleit liðband í hné í byrjun síðasta tímabils og það var erfiður tími fyrir varnarmanninn sterka.

Sem betur fór var ég var ég tilbúinn fyrir skemmtilegasta hluta tímabilsins þegar við unnum og tókum á móti bikurum. Það var mjög ánægjulegt og nú er tilhlökkun að byrja nýtt keppnistímabil, segir Mikael Silvestre.

En krakkar eins og Thabiso þurfa að sýna mikla ákveðni í þeirra daglegu baráttu við HIV eins og Silvestre nefndi í samtölum sínum við börnin.

En ég sagði krökkunum að við þyrftum þessa sömu ákveðni og styrk til að ná árangri í fótboltanum, og þann sem ég sá hjá þeim.

Unicef leggur áherslu á Aids í hjálparferð sinni um heiminn. Og aðstoð við unga fólkið með upplýsingum um hvernig röng hegðun getur leitt til Alnæmis og hvaða forvarnir séu mögulegar til að varna HIV/eyðnismiti.

 Unicef sér Íþróttir sem lykilatriði til að ná til ungafólksins í forvörnum gegn eyðnifaraldri.

Okkar kjörorð er að gefa "innblástur til afreka" og burtséð frá fjáröflun þá er mjög mikilvægt að nýta þau áhrifatengsl sem okkar Íþróttamenn hafa á unga menn og konur. Þar eru leiðir til að koma upplýsingum á framfæri við börn og ungafólkið. Segir John Shiels.

Fótboltinn sáir fræjum sem börnin eru opin fyrir, það gefur Unicef tækifæri til að koma skilaboðum áleiðis.

Jeremy Sprigge hjá Unicef í Bretlandi, segir að samstarfið með Manchester United hafi aflað tveggja milljóna punda (£2 milljónir) og haft áhrif á meira en eina og hálfa milljón barna umhverfis jörðina.

Til að styðja Alnæmist átak Unicef! Heimsækið  www.unicef.org.uk/manudonate.

Hvað er olíutunnan margir lítrar?

Þegar verið er fjalla um heimsmarkaðsverð á olíu í fréttum er oft sagt að olíutunnan kosti þetta mikið. Þá er miðað við tunnu sem hefur að geyma 159 lítra af hráolíu. Tunnan kostar í dag tæpar 10.000- íkr. Eða um 63 kr á lítir.

Ég þekki ekki til við framleiðslu og hreinsun eða hvort að sá kostnaður sé allur eftir, en væntanlega er allur flutningskostnaður og þá önnur gjöld við innflutning eftir að bætast ofan á þetta verð.

Spá fram í tímann er ekki spennandi, en eftir 1 ár mun tunnan kosta c.a. 164 usd.

 

 

Crude Oil
$125.97	▼2.45		1.91%
6:11 AM EDT - 2008.07.23

Crude Oil Price by OIL-PRICE.NET ©

Price		Change			Trades	Volume
06:11 - $ 125.97		2.45 1.91%			8,394	15,754
Range	Open	52 Wk Range			1 Year Forecast
125.77 - 128.66	128.50	85.89 - 145.85			$163.76 / Barrel

 upplýsingar af Oil Price.net og hinum frábæra Vísindavef Háskólans.

Olían enn að lækka

Athyglisverð jafnréttis-barátta

Það hefur vakið athygli mína hvað konur hafa verið duglegar að minna á sig undanfarið á nýjum sviðum og greinlegt að þær gefa ekkert eftir í jafnréttisáráttunni!

Þar er ekki ráðist á garðinn þar sem hann er lægstur(má deila um það), einu síðasta vígi karlmanna, glæpa og gáfulausu-deildinni!

Ungar konur í hraðakstri,  kona setti nýlega hraðamet á Bíl um það bil 198 km hraða og hafa einungis mótorhjólatöffarar náð viðlíka árangri í hraðakstri, metið var staðfest af Lögreglunni!

 Nú og eitthvert strákfífl gerði tilraun til að bæta metið nokkrum dögum síðar en það var of mikill meðvindur til að metið teldist gilt!

Nú hafa konur líka tekið drengstaulum og misgáfumönnum fram í barsmíðum á Lögregluþjónum samkvæmt frétt Rúv.is (en fréttin er stolinn af rúv-vefnum) sjá neðar.

Konur veittust að lögreglumönnum

 Lögregla beitti kylfum og varnarúða í gærkvöld þegar tvær konur veittust að lögreglumönnum. Lögregla stöðvaði um miðnætti, í vesturborginni, bíl ökumanns sem grunaður var um ölvunarakstur. Þegar ökumaðurinn var handtekinn réðust tvær konur, sem voru farþegar í bílnum, að lögreglunni með höggum og spörkum og reyndu að frelsa manninn, að sögn lögreglu á höfuðborgarsvæðinu.

Kallað var eftir aðstoð og eru þremenningarnir nú í haldi lögreglu. Þeir verða yfirheyrðir þegar víman rennur af þeim.

Sú kenning hefur verið sett fram að fjölgun Hraðamyndavéla sé ein aðal-orsök þessarar nýbylgju í kvenna afbrotum! Eitt er þó víst að konur búa við fullann jöfnuð í sektargreiðslum fyrir sambærileg brot og karlmenn, og una glaðar með.:)

sjá skýrslu Lögreglunnar 

 

 

50.000 Tonna Grænmetisverksmiðja.

Ég hef áætlanir um að byggja 50.000 tonna Grænmetis verksmiðju.

Vegna hækkandi verðs á kjöti og ýmsum hrávörum þá hef ég mikla trú á að Grænmeti sé málið, (en ekki álið) til útflutnings.

50.000 tonn er mun meira en við framleiðum á Íslandi í dag af grænmeti, að ég held, ekki vegna áhugaleysis framleiðenda heldur vegna skorts á skilningi stjórnvalda á öðrum möguleikum til tekju öflunar í ríkissjóð.

Lífrænt ræktað grænmeti er selt nokkuð háu verði víða um heim.

Fyrir nokkrum dögum voru erlendir gestir í heimsókn hjá okkur, frændfólk frá Bandaríkjunum.

Þetta var Íslensk kona með börnin sín tengdabörn og barnabarn. En konan sú og dóttir hennar hafa verið hér áður. Hin voru að koma í fyrsta skipti og þau voru einfaldlega orðlaus sama hvert var farið með þau að sjá og skoða landið.

Það var mjög fyndið að sjá viðbrögðin þegar þeim var boðið að drekka ískalt og ferskt vatn beint úr læk og þurfti nokkurn sannfæringarkraft til þess að þau þorðu að drekka!!!! Ég fékk vatn og kók með klórbragði þegar ég heimsótti þau!

 En  aftur að grænmetinu þar sem okkar hreina vatn kemur aftur inní myndina sem og heita vatnið okkar skiptir sköpum í ræktun grænmetis og matjurta. Stutt sumar er hægt að framlengja með þessari frábæru orku sem okkur býðst á svo góðu verði  af því að við erum Íslendingar og þetta er allt í bakgarðinum okkar...........ég er að telja upp á 10 áður en ég held áfram!!

OK... rólegur..... Hvaða vitleysa er þetta eiginlega?

það horfir fram á vatnsskort, matvælaskort, orkuskort og ýmiskonar annan skort en Ál. Flugvélaframleiðsla, bílaframleiðsla og fleira er að dragast saman auk þess heyri ég orð eins og Koltrefjar sem komi í stað áls í flugvélaiðnaði í framtíðinni.

Ef allir vilja vinna störf í Álverksmiðjum (ég á það eftir, vonandi ekki þó) þá er lítið við því að gera.

Mig langar að sjá Ríkið standa jafn vel að afslætti á orkuverði til annarra sem vilja skapa störf í öðrum greinum, jafnvel listgreinum. T,d, ódýrara rafmagn í hljóðfærin og magnarana þar eru margir að flytja út sýnar vörur með góðum árangri. 

Ég hef líka á tilfinningunni að öll þau hjól og fellihýsi sem nú ferðast um landið fái fólk til að hugsa öðruvísi um landið. Það er ef fólk nær að slíta sig frá stressinu.

Mig reyndar dreymir að geta stundað sjálfsþurftar búskap, fara í berjamó fá mér íslenskar hænur og hinar nývinsælu Geitur miklu frekar en risa stórt grænmetis bú.

En þetta flokkast víst allt sem dagdraumar og rómantík.

En einhvernvegin líður mér betur að hugsa þannig.

Kannski smíða ég bara risagrænmetisbúið þegar öll álverin eru farinn á hausinn eða úr landi. 

 

 

Obama vitnar í Íslenska rokkhljómsveit.

Á MySpace síðu Rokksveitarinnar Dikta er bent á þá skemmtilegu staðreynd að Barack Obama vitnar í texta við lag þeirra drengja.

Change will not come if we wait for some other person or if we wait for some other time. We are the ones we've been waiting for.
- Barack Obama (Feb. 5 speech)

We're the ones we've been waiting for
- Dikta (A Way Out, Hunting for Happiness LP) 

Þetta er að vísu ekki nýjar fréttir á síðunni þeirra en engu að síður skemmtileg ábending, hvort sem um tilviljun er.. eða ekki.

Hvort að Barack Obama sé að lesa almennt uppúr textum rokkara á fundarherferð sinn skal ósagt látið.

Dikta setti nýlega inn nýtt lag "Just getting started" inn á MySpace sem gæti túlkast sem stuðningslag við Barack Obama því að Dikta er einnig á leið í tónleikaferðalag til Bandaríkjanna á næstunni og er dagskráin sem hér segir:(Heyrst hefur að Obama verði kynnir á tónleikunum!)

Upcoming Shows

( view all )

Jul 17 2008

9:00P

Organ, with Kuroi

Reykjavík

Aug 11 2008

8:00P

The Viper Room

W. Hollywood, California

Aug 12 2008

8:00P

The Scene

Glendale, California

Aug 17 2008

8:00P

Mr. T's Bowl

Los Angeles, California

Aug 18 2008

8:00P

The Viper Room

W. Hollywood, California

Aug 21 2008

7:00P

Rehab

New York, New York

Aug 22 2008

8:00P

Crash Mansion - Between (A Rock and a Hard Place) Club Night

New York, New York

Oct 15 2008

8:00P

Iceland Airwaves

Reykjavík

 

Hvað með forvarnir?

Þessar fréttir um aukinn lyfjakostnað koma ekki mjög á óvart og væntanlega mun einnig bætast við kostnaður vegna kvíðastillandi, maga og jafnvel geðlyfja á næstunni vegna efnahagsástandsins.

Auðvitað eru sum lyf nauðsynleg, eftir því hvað við er að etja en oft hef ég á tilfinningunni að um skyndilausnir sé að ræða, þar sem ekki er alltaf raunveruleg þörf á lyfjum.

Oft verður úr lyfjavítahringur sem erfitt er við að eiga. Lyfjaframleiðendur eru duglegir að koma með auðseldar lausnir á þessum sviðum en ekki jafnáhugasamir um lausnir og rannsóknir á sjaldgæfum sjúkdómum.

Ef áhugi er hjá stjórnvöldum að lækka þennan lyfja kostnað þá er ekki langt að leita. 

Útivist, Íþróttir, Tónlist og önnur heilsusamleg áhugamál fólks verði gert hátt undir höfði og skattur lækkaður eða afnuminn á vörur og þjónustu sem tengist heilsufari, andlegu sem líkamlegu.

Það er sem betur fer góð dæmi um árangur sem flestir þekkja, og ég get nefnt dæmi sem tengist mér, kona sem var að taka lyf á lyf ofan við kvíða, þunglyndi, svefnleysi, blóðþrýstingi o.f.l. Þessi vinkona var hreinlega búinn að loka sig af og fór varla úr húsi.

Hún fór eftir smá hvatningu að stunda sundleikfimi og hefur gert í nokkur ár, smátt og smátt hefur hún minkað lyfjaskammta og jafnvel hætt sumum lyfjum alveg, í samráði við sinn lækni, sem hefur sýnt þessu mikinn áhuga, enda er stór munur bæði andlega og líkamlega að sjá hjá henni.

Nú er hún hinsvegar í smá vanda þar sem bankinn er ekki jafngreiðvikinn og áður og hún á ekki fyrir sundtímunum!   

En það þarf einfaldlega að byrja snemma og nú eru ekki eru allir fyrir Íþróttir. Þess vegna þarf að huga að fleiri tómstundum og áhugamálum sem líka halda uppi betri heilsu á einn eða annan hátt.

Börn sem stunda Tónlistarnám eða aðrar Listgreinar þurfa líka sín tækifæri og kostnaður á þeim sviðum getur verið mikill.

Ég hef mikla trú á því að ef fólki er gert kleyft að stunda Heilsurækt, andlega og líkamlega frá unga aldri þá komi það í stað svona gríðarlega mikillar lyfjaneyslu að stóru leiti.

 

 

Lyfjakostnaður TR eykst um 14%