Áfangasigur mannréttinda.

Vonandi hafa stjórnvöld nú tekið upp stefnubreytingu til hins betra í meðferð flóttamanna og það varanlega!

Hér er oft talað um að okkur Íslendingum þurfi að fjölga, sem á að vera gott fyrir hagkerfið!

Því þarf að efla meira aðstoð við flóttafólk sem og aðra innflytjendur til að aðlagast lífinu á Íslandi svo að þeir verði virkari samfélagsþegnar.

En ekki senda fólk sem hefur ekkert sér til saka unnið skoðunarlaust til baka.

 

Ramses kemur í nótt

Kjósum Thiago!!

Thiago Trinsi býr á Ólafsfirði og er ættaður frá Brasilíu.

Hann er nú ofarlega í Alþjóðlegri keppni um flottustu "Shredder" Gítarleikara á vegum Dean Guitars.

Mig langar að hvetja þig til að taka þátt í netkosningu og smella á slóðina hér fyrir neðan og kjósa Thiago!

 

http://deanguitars.com/shredder

 

 

Áminning

Hún Berglind Elva systir mín sendi mér póst sem innihélt nokkrar myndir sem eiga erindi við alla.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ég gæti trúað að það væri verið að minna okkur á að vera þakklát fyrir

það sem við höfum hér á klakanum :)

Áfram Ísland!

Hagsmunir þjóðar!

Það er að mörgu að huga þegar hagsmunir þjóðar eins og Kína eru annars vegar!

Fáfróður landbyggðarmaður eins og ég gerði mér ekki grein fyrir mikilvægi þess að vera ekki með skakkar tennur í söngatriði, þrátt fyrir einstaka sönghæfileika.

Ég rakst á þessa grein í vísi.is og hafði gaman að. Ekki vegna blekkinga leikja Kínverja í kringum Ólympíuleikanna, heldur var ég haldin þeirri ranghugmynd að Kínverjar væru ekki jafn hégómlegir og við vesturlandabúar.

Þegar svona skipun kemur frá Kommúnista flokknum sjálfum varðandi útlitsdýrkun þá eru þeir búnir að tapa í hnígandi valda stefnu sinni, sem að þeirra sögn snýst um jöfnuð.

En það er að sjálfsögðu barnaskapur í mér að búast við öðru þegar mannréttindi eru eins og þau eru í sama landi.

Útlitsdýrkun er og verður sjálfsagt alltaf til staðar, allstaðar. 

 

Með of skakkar tennur fyrir Ólympíuleikana

Peiyi, til hægri, þótti ekki nógu sæt fyrir opnunarhátíðina.

Litla stúlkan sem söng sig inn í hug og hjörtu heimsbyggðarinnar á opnunarhátíð Ólympíuleikanna í Peking söng alls ekki neitt, heldur hreyfði bara varirnar. Stúlkan vakti mikla athygli fyrir „söng" sinn, og mætti í kjölfarið í viðtöl hjá öllum helstu fjölmiðlum landsins.

Tónlistarstjóri leikanna sá sig hinsvegar knúinn til að leiðrétta platið. Í viðtali hjá útvarpsstöð í Peking sagði hann að sú sem söng sé Yang Peiyi, sjö ára stúlka sem vann erfiða samkeppni um að fá að syngja lagið, sem heitir „Óður til föðurlandsins", á leikunum.

Skömmu fyrir hátíðina tilkynnti meðlimur í kínverska kommúnistaflokknum, sem hafði fylgst með æfingu, að sigurvegarinn væri kannski með fullkomna rödd, en hentaði ekki í hlutverkið þar sem hún væri með svo skakkar tennur.

Á opnunarhátíðinni sjálfri var þessvegna íðilfögur níu ára grunnskólamær frá Peking, Lin Miaoke, fengin til að hreyfa varirnar við upptöku á rödd Peiyi.

Tónlistarstjórinn, herra Chen, varði ákvörðunina í viðtalinu þar sem hann sagði það sem mestu máli skipti vera hagsmuni þjóðarinnar. Barnið á skjánum þyrfti að vera óaðfinnanlegt, útlit jafnt sem innri maður. Yang Peiyi hefði verið fullkomin, allt þar til athyglin beindist að tönnum hennar.

Þetta var ekki það eina sem var fegrað fyrir opnunarhátíðina. Í gær kom í ljós að hluti flugeldasýningarinnar sem birtist sjónvarpsáhorfendum hefði verið tölvuteiknaður.

Ingó og Co

 Hugsjón og gleði.

 Á láglendi suðurlands hefur tónlistarlíf verið í miklum blóma frá því að ég man eftir mér.

Fjölbreytt blóm og misfalleg en það er aukaatriði, það eru áhrifin og tilfinningin sem þau vekja!

Á bloggsíðum má þessa dagana sjá miðaldra menn og aðra hamra á Ingó og Veðurguðunum, Á móti Sól og Merzedes Club og þeirri tónlist sem þessir gleðigjafar margra ungra sem aldinna bera á borð.

Það hefur lengi loðað við Sunnlenska tónlist og okkur Sunnlendinga að við viljum skemmta okkur og þá er ekki verið að taka sig alltof alvarlega, eðli málsins samkvæmt.

Tónlist er sem betur fer tæki til að spila á margar tegundir tilfinninga, ekki bara listrænar, heldur allan skalann.

Ég vona að enginn verði sár þó að ég tali um að Labbi í Glóru, Mánar, Logar, og þeirra tíma hljómsveitir hafi átt hvað stærstan þátt í tónlistar-gleði-sköpun Sunnlendinga og sveitaböllunum, þessari meintu lágmenningu, svona til að byrja með. En nokkrar hljómsveitir úr Reykjavík og víðar hafa lengi haft gaman að því að koma á Suðurlandið og skemmta sér.

Karma,Papar og Lótus voru t.d. mikil góð ball/tónleikabönd. Ég veit að það voru ýmsar aðrar góðar dans-sveitir starfandi sem ég man ekki nöfnin á þessu augnabliki.

Á móti sól var lengi vel í skugga Skítamórals(sem var þungarokksveit) og Land & Synir. Þrautseigjan í ÁMS og spilagleðin hjá þeim heldur í þeim góðu lífi og vel þokkaðir piltar hjá flestum landsmönnum og hafa aldrei passað inní svokallaða hnakkamenningu að mínu mati.

Sólstrandargæjarnir komu inn með mikla spilagleði og húmor og á þeim tíma var mikið rót og fjölbreytt tónlistarlíf í gangi, reyndar eins og í dag. Dalton, Klaufar, Ingó og Veðurguðirnir svo dæmi sé tekið.

Ég sé að ég þyrfti sennilega að fara út í bók ef ég á að fara ýtarlegar útí þessa sögu því að svo margt kemur upp í hugann!

Sumarsmellir og gleðipopp fer samt greinilega í taugarnar á ýmsum, misvel í mig sjálfan en það er ekki nauðsyn að öll tónlist sé byggð á einhverri hugsjón, það er eins og tónlist sem kemur fólki í létt skap og maður sönglar með í sólinni sé eitthvað hræðilegt! Ég efast satt að segja að Ingó og Veðurguðirnir séu með í huga við að semja einhver meistaraverk, en þó segir mér hugur að "Bahama" sé annað "Rangur maður" fyrir okkur sunnlendinga og eigi eftir að lifa lengi í útilegum og á böllum!

En viljandi hef ég ekki nefnt nokkra gullmola sem hafa risið úr þessari meintu lágmenningu okkar Sunnlendinga

það eru söngdívurnar Hera Björk Þórhalls, Guðlaug Dröfn Ólafsdóttir og Kristjana Stefánsdóttir þær hafa allar tekið sína tónlist nokkrum skrefum lengra en gleði-poppið

Guðlaug Dröfn gaf nýlega út Jass plötu sem hún útsetti sjálf og Kristjana Stefáns er að gefa út Blues plötu með eigin lögum í bland við eldri lög og útsetningar eru í hennar höndum.

 

 

 

 

 

Snilldar flýtistöng (Toolbar)

Nú langar mig að bjóða þér að hala niður alveg frábærri flýtistöng(toolbar) á vafrann þinn.

Þetta er bara snilld!

Uppáhalds útvarpstöðvarnar þínar,

Pósturinn, Veðrið, Google leitarvél,

flýtihnappar fyrir verkefnin þín

ásamt Porterhouse tónlistarsíðu,

fréttum og fleira.

Einfalt og öruggt!

 Allt við höndina.

 Smellið á skýringamynd.

 

Hlaða niður Flýtislá-Toolbar

Einnig má sjá meiri upplýsingar á www.porterhouse.is

+

Add the coolest gadgets to your toolbar!

Marbles

Backgammon

TV

Radio

TODO

Calorie Calc

Countdown

Wikipedia

Sudoku

And many more...

 

 

Brosið býr í Hvolsfjalli.

 

Dularfullt og skemmtilegt bros sést nú á hinu glaðlynda fjalli við Hvolsvöll, Hvolsfjalli.

Ekki veit ég hvort að álfarnir í fjallinu hafi verið að verki eða geimverur í skjóli nætur!

 

 

 

Hinsvegar er þetta skemmtilegt framtak sama hver á í hlut:)

 

 

Hvað er olíutunnan margir lítrar?

Þegar verið er fjalla um heimsmarkaðsverð á olíu í fréttum er oft sagt að olíutunnan kosti þetta mikið. Þá er miðað við tunnu sem hefur að geyma 159 lítra af hráolíu. Tunnan kostar í dag tæpar 10.000- íkr. Eða um 63 kr á lítir.

Ég þekki ekki til við framleiðslu og hreinsun eða hvort að sá kostnaður sé allur eftir, en væntanlega er allur flutningskostnaður og þá önnur gjöld við innflutning eftir að bætast ofan á þetta verð.

Spá fram í tímann er ekki spennandi, en eftir 1 ár mun tunnan kosta c.a. 164 usd.

 

 

Crude Oil
$125.97	▼2.45		1.91%
6:11 AM EDT - 2008.07.23

Crude Oil Price by OIL-PRICE.NET ©

Price		Change			Trades	Volume
06:11 - $ 125.97		2.45 1.91%			8,394	15,754
Range	Open	52 Wk Range			1 Year Forecast
125.77 - 128.66	128.50	85.89 - 145.85			$163.76 / Barrel

 upplýsingar af Oil Price.net og hinum frábæra Vísindavef Háskólans.

Olían enn að lækka

Athyglisverð jafnréttis-barátta

Það hefur vakið athygli mína hvað konur hafa verið duglegar að minna á sig undanfarið á nýjum sviðum og greinlegt að þær gefa ekkert eftir í jafnréttisáráttunni!

Þar er ekki ráðist á garðinn þar sem hann er lægstur(má deila um það), einu síðasta vígi karlmanna, glæpa og gáfulausu-deildinni!

Ungar konur í hraðakstri,  kona setti nýlega hraðamet á Bíl um það bil 198 km hraða og hafa einungis mótorhjólatöffarar náð viðlíka árangri í hraðakstri, metið var staðfest af Lögreglunni!

 Nú og eitthvert strákfífl gerði tilraun til að bæta metið nokkrum dögum síðar en það var of mikill meðvindur til að metið teldist gilt!

Nú hafa konur líka tekið drengstaulum og misgáfumönnum fram í barsmíðum á Lögregluþjónum samkvæmt frétt Rúv.is (en fréttin er stolinn af rúv-vefnum) sjá neðar.

Konur veittust að lögreglumönnum

 Lögregla beitti kylfum og varnarúða í gærkvöld þegar tvær konur veittust að lögreglumönnum. Lögregla stöðvaði um miðnætti, í vesturborginni, bíl ökumanns sem grunaður var um ölvunarakstur. Þegar ökumaðurinn var handtekinn réðust tvær konur, sem voru farþegar í bílnum, að lögreglunni með höggum og spörkum og reyndu að frelsa manninn, að sögn lögreglu á höfuðborgarsvæðinu.

Kallað var eftir aðstoð og eru þremenningarnir nú í haldi lögreglu. Þeir verða yfirheyrðir þegar víman rennur af þeim.

Sú kenning hefur verið sett fram að fjölgun Hraðamyndavéla sé ein aðal-orsök þessarar nýbylgju í kvenna afbrotum! Eitt er þó víst að konur búa við fullann jöfnuð í sektargreiðslum fyrir sambærileg brot og karlmenn, og una glaðar með.:)

sjá skýrslu Lögreglunnar 

 

 

Það er ennþá gott að búa á Íslandi.

Morgan Tsvangirai hefur tilkynnt að hann sé hættur framboði til Forseta Simbabwe. Grunaðir stuðningsmenn stjórnarandstöðunnar hafa verið handteknir, pintaðir og fjölmargir myrtir í því ágæta landi sem of er nefnd sem matarkista Afríku, Simbabve.

Sem minnir mig á að Nýlega tilkynnti Ástþór Magnússon friðarsinni að hann hyggist halda friðinn á Íslandi og valda ekki óþarfa usla í kringum Forsetaembættið okkar, og ákveðið á eigin spýtur að hann hyggist ekki fara í framboð og mun hann því ekki verða forseti okkar á þessu kjörtímabili.

Ég sé fyrir mér að Ástþór hafi gefið undan þrýstingi frá sérsveitum Björns Bjarnasonar sérlegs stuðningsmanns okkar ástkæra Forseta, Ólafs Ragnars Grímssonar.  

Ólafur Ragnar Grímsson var umdeildur stjórnmálamaður, en hefur staðið sig vel í Forseta embættinu og mig grunar að hann líti á sig sem þann ljóshærða úr norðri sem á að  færa heiminum frið í spádómum Nostradamusar. Ég hélt á tímabili að það gæti verið Ingibjörg Sólrún. Nú sé ég að það er Gillz (Egill Einarsson)sem í umboði Barða Jóhannssonar sem mun færa heiminum frið í formi tónlistar og gleði. Ég geri nefnilega fastlega ráð fyrir því að Íslendinga sið að Nostradamus hafi átt við Ísland, vegna þess að við erum jú miðja alheimsins.

Í mogganum í dag 23 júní er frábær grein eftir Smára McCarthy "Við vitum hver þú ert".

Sem fjallar um  þá staðreynd að við erum ekki svo frjáls lengur. Sjálfviljug notum við debet/kredit kort sem skráir niður okkar venjur, neyslu og ferðir, við erum mynduð í bak og fyrir hvar og hvenær sem er oftast án vitundar. Þetta getur verið jákvætt og neikvætt eftir því við hvern er talað.

þetta gæti hjálpað til, eða ekki við skrif á eigin ævisögu, að fara nú ekki með neinar ýkjusögur eða rangar staðsetningar t.d. Nú ekki er það svo sem líklegt að þú fáir afrit af öllum gögnum frá ríkinu til að minna þig á hvað þú varst að gera og hvenær!

Verndun persónu upplýsinga er nefnilega vandmeðfarinn, og fæstir vakandi yfir því hversu gríðarlegt magn af upplýsingum eru skráðar á degi hverjum um líf þeirra.  Stóri bróðir - 1984

Segjum svo að þú ætlir að líftryggja þig og þú svara spurningunni um áfengi að þú drekkir mjög hóflegt magn, sama ár og þú áttir stórafmæli! Reikningurinn á kortinu segir að árið ???? hafir þú eitt hátt í hálfa milljón í áfengi.... þú þarna hófdrykkjumaður.  

 

Fyrir svona blogg vitleysu ætti ég t.d. á hættu að vera fangelsaður í hinum ýmsu ríkjum heimsins jafnvel USA sem ekki er lengur svo mikið, land of the free!

Það er verið að banka... afsakið augnablik á meðan ég fer til dyra, það er lögreglubíll (bílar) í innkeyrslunni..............

 

 

 

 

Tsvangirai hættur