Ísbjarnardráp.

Við þurfum ekki að örvænta!

Hér sést greinlega að varnir landsins eru í góðum höndum.

 

 

 

 

 

 

 

 

 

Það er þó örlítið áhyggjuefni að njósnadeildinn hafi ekki orðið vör við innrásina fyrr en óvinurinn var kominn á þurrt land!

 

„Harma ísbjarnardrápið"

Stórveldi mætast og nýliðavalið.

Nú er ljóst að LA Lakers og Boston Celtics mætast í úrslitum NBA deildarinnar!

 

Þessi lið mættust síðast úrslitum árið 1987 en þá unnu LA Lakers.

Þetta er nú bara auka atriði!

Aðalmálið er það að mitt lið Chicago Bulls er að vakna af værum blundi komnir með ágætislið (sem lék reyndar langt undir væntingum í vetur).

Chicago Bulls á 1. valrétt í nýliðavalinu þetta árið og valið stendur á milli tveggja frábærra leikmanna samkvæmt heimasíðu Chicago bulls.com .

Þetta árið er reyndar talað um mjög sterkann hóp nýliða. Það eru Memphis "wunderkid" Derrick Rose og  Kansas State's "Monster of the paint", Michael Beasley sem eru taldir tveir þeir áhugaverðustu í nýliðavalinu og allt bendir til að Chicago Bulls muni velja þeirra a milli.

 

 Michael Beasley.

Derrick Rose.

Þetta eru hrikalegir körfuboltamenn og spennandi að sjá hvernig þeir eiga eftir að standa sig í NBA deildinni.

Athyglisverður samanburður í þessari grein (smellið á) 

Til hvers að Blogga? Í keppni við Púkann.

Er þetta ekki bara tímasóun?

Er að velta því fyrir mér hvers vegna ég byrjaði á þessu og hvers vegna fólk er yfirleitt að blogga.

Dagbókarformið prófaði ég einu sinni, sú tilraun entist sennilega í 3-4 daga. Það sem ég skrifa mest dags daglega eru pælingar, hugmyndir, og skiplag dagsins hjá mér svona þegar ég ætla mér að koma einhverju af viti í verk(Þó að það rati nú sjaldnast á bloggið).

Þó að ég hafi ekki verið mjög duglegur að lesa annarra manna blogg þá er mjög gaman að þeim ólíkum stílum og hugtökum sem ég hef rekist á hjá bloggurum.

Bloggarar eru mis opnir gagnvart einkalífi sínu og sumir opna sig upp á gátt og koma með mjög persónulegar lýsingar á (einka)lífi og daglegum athöfnum sínum, einhverjir hafa gaman að því að stílfæra frásagnir og gera stundum frekar venjulegan dag mjög spennandi.

Fjölmargir eru að ögra og tjá skoðanir sínar, sumir mjög frjálslega að því er virðist til að fá viðbrögð frekar heldur en að fara í ræðustól með undirbúna rökræðu. 

Þeir eru þó fjölmargir með mjög mótaðar hugmyndir og skoðanir sem hvergi er kvikað frá, oft skapast því harkalegar umræður með mis gáfulegum skoðanaskiptum.

Skemmtilegastir finnst mér ópólitískir fræðarar (ekki margir hérna) bloggarar sem setja fram mjög fróðlega pistla á ýmsum sviðum. Húmor og hnittin frásögn grípur mig jafnauðveldlega og hreytingar og dónaskapur fælir mig frá frekari lestri 

Ég hef skoðanir á ýmsu og gef mér leyfi til að skipta um skoðun ef góð rök og fræðsla segja mér annað.

Ég er algjörlega stefnulaus í mínu bloggi og á jafnvel erfitt með að kalla þetta blogg! því oft er ég að vitna í greinar eða fréttir sem aðrir hafa skrifað og vekja áhuga hjá mér af einhverjum ástæðum.

Ég m.a. byrjaði að ræða Ísrael-Palestínu og eiga skoðana skipti um málið, en gafst fljótlega upp á því, botnlaus umræða eins og svo margar deilur. Komst að því að ég var að eiga við fólk með mjög einhliða hugmyndir og rökræður flestar í sama fari.

Rasisma, Kynhneigð, og fordóma af því taginu hef ég ekki lagt mikið útí heldur.

Ég er nokkurn veginn með það á hreinu að umburðarlyndi og vonandi gagnkvæm virðing við aðra komi mér til þess að líða vel með mínar skoðanir og þá fordóma sem ég er að kljást við hverju sinni.

 

það kemur þó fyrir að stundum tekur smá tíma að hreinsa sandinn úr hárinu þegar ég er búinn að halda hausnum of lengi í ......... 

Almennt viðkvæði er þó að mér bara kemur það ekki við hvernig aðrir kjósa að hegða sér á meðan það hneykslar ekki mína viðkvæmu sál:) 

En ég er þó klárlega rasisti því að ég vill blanda þessu öllu saman í einn pott og hræra svo hressilega í! Einn kynþáttur með fjölbreyttan og áhugaverðan bakgrunn.

Sama á við um Trúarbrögð flestir eru að tala um sama Guðinn en hver með sína útgáfu, þetta sannar fyrir mér að Guð er kaldhæðinn húmoristi mjög.

Blogg er sennilega í flestum tilvikum mjög gott fyrir hvern og einn til þess að fá útrás fyrir sínar skoðanir og þörf fyrir umræðufrelsi.

 

Fegurðin í bloggi felst því örugglega í vali hvers og eins til tjáningar.

Ég hef nú komist að því að ég blogga í keppni við púkann! Að fækka stafsetningavillum, auka orðaforðann og læra lítillega í hvert sinn.

Púkinn er sennilega sterkasta ástæðan fyrir mínu bloggi

 

Til Hamingju Ísland

 

 

 

 

 
Til hamingju Öggi, Friðrik Ómar, Regína Ósk og allir Íslenskir Eurovison aðdáendur.

Hvar verður aðal partíið???? 

 

Ísland áfram í Eurovision

Poland-Ísland

Ferðasaga og hugleiðingar.

Klukkan var rúmlega átta á mánudagsmorgni þegar farsíminn minn hringdi.

Góðan dag,(maðurinn kynnti sig) er þetta Finnur Bjarki? Já, svaraði ég og bauð góðan dag á móti.

Mig vantar Kokk til að fara með nokkrum körlum til Póllands að sækja skip og sigla því til Íslands, við leggjum af stað í fyrramálið 5-6 daga ferð! Kemstu með?

Eitthvað í þessa áttina, stutt og laggott hljómaði símtalið frá útgerðarmanninum.

Ég var svo sem ekki lengi að hugsa mig um, hafði ekki komið til Póllands. Ég hef kynnst mikið af Pólsku fólki undanfarin ár og hef lengi haft áhuga á að skoða landið.

Það stóð til að fljúga út á þriðjudegi til Gdansk og sigla skipinu frá Gdynia á miðvikudegi svo landkönnun var nú ekki beint í kortunum.

Svo óheppilega vildi til við vorum varla komnir út fyrir hafnargarðinn þegar upp kom vélarbilun með viðeigandi hávaða (Túrbínan farinn). Við komumst þó til baka inn í höfnina eftir miðnætti, þá var kominn fimmtudagurinn 1. Maí. Frídagur verkamanna er virtur í Pólandi og flestir eru í fríi á föstudeginum líka þar sem annar helgur frídagur í Pólandi ber upp þann 3. Maí (því miður hef ég ekki náð mér í nánari upplýsingar varðandi þennan frídag). 

Upphófst nokkuð sérkennilegt tímastríð til að ná í varahluti og koma skipinu í lag með nokkrum skondnum uppákomum, kannski of mörgum milliliðum og amk fjórum tungumálum, flækjunni lauk svo á þriðjudegi þegar við lögðum af stað heim á leið.

En ég ætla aðeins að segja frá því sem fyrir augu bar á meðan við biðum eftir varahlutum (í frjálslegri tímaröð).

Gdynia, Sopot og Gdansk eru saman kallaðar Tri-City, á svæðinu búa um 1. milljón manna. Okkar skip Sóley Sigurjóns lá í höfninni í Gdynia sem er yngst þessara borga. Sopot er afskaplega falleg og mikil ferðamannaborg með glæsilegri strönd, hinar tvær eru hinsvegar meiri hafnarborgir og iðnaðarsvæði.

Gamli tíminn er á undanhaldi og verðlag orðið svipað og hérlendis, það er þó ennþá lægra matarverð og góð veitingahús mun ódýrari en hér heima. Þau veitingahús sem við fórum á eru verulega góð á allan hátt.

Enska er þó ekki á allra vörum en það gerði dvölina bara skemmtilegri, strákarnir sem voru með mér höfðu allir komið þarna áður og gátu sagt mér hversu stórstigar breytingarnar hafa verið á aðeins einum áratug.

Þrátt fyrir örar breytingar þá sýnist mér Pólverjar mun skynsamari en við þegar kemur að uppbyggingu framtíðarinnar! Þarna sá ég áberandi virðingu fyrir borgarskipulagi og því skipulagi sem fyrir er.

Ný verslunarmiðstöð eldri hluta Gdansk er hlaðinn með múrsteinum líkt og eldri byggingarnar í Old-City sem er stórglæsileg með mikið aðdráttarafl og alvöru götumyndum.

Nýrri byggingar eru líka mjög smekklegar og falla vel að umhverfinu.

Í Sopot er mikil uppbygging við aðal ferðamannasvæðið og þar er öllum byggingum haldið í frekar lágreistum stíl og vinnusvæðin snyrtilegu þó að vinna sé í fullum gangi. Sopot er dýrust í verðlagi en áberandi falleg og heillandi borg á hraðri uppleið í vinsældum.  Þarna er iðandi mannlíf þrátt fyrir að ferðamanna tíminn sé ekki kominn í fullan gang.

Nýtt Sheraton Hótel í Sopot telur c.a. 6 hæðir ofan á jarðhæð og lætur ekki mikið yfir sér en er falleg bygging og í stíl við eldri byggingar á svæðinu.

Ég var með ranghugmyndir um Pólland sem ferðamannaland en greinilegt er að gestrisnin er mikil.

Okkur var boðið til kvöldverðar á vegum skipasmíða verktakans á 5 stjörnu 17. aldar sveitahótelinu Dwor Oliwski. Einhver glæsilegasti kvöldverður sem ég hef tekið þátt í og staðurinn ævintýralega fallegur.

Ég fer aftur til Póllands það er á hreinu og þá langar mig að sjá miklu meira af landinu og því sem þessi merkilega þjóð hefur uppá að bjóða.

Siglingin heim gekk vel eftir viðgerðina og skipið  fékk mjúka meðferð alla leið þar til djöflaeyjan var í augsýn þá fengum við meinlausa en hefðbundna Íslenska brælu síðasta spölinn. Fyrstur til að kalla okkur upp var skipstjórinn á Vestmanney þar sem Simmi vinur minn er um borð. 

 

 

 

 

 

 5-6 dagar urðu 13. og ný Sóley Sigurjóns fékk að sjálfsögðu glæsilegar móttökur í heimahöfn.

 

 

Er það ekki merkilegt!

Að sjá menn tala um kommúnisma þegar kemur að takmörkunum á spillingu og bulli!

Einn bloggarinn talar um þak á Íþróttamenn og aðrar hátekju stjörnur í samanburði við Ofurlauna-forstjórana! Fólk sem oftast tapar tekjum um leið og það fær hrukkur, meiðsli eða missir vinsældir eins og iðulega gerist, en hann hefur kannski eitthvað til síns máls.

Ofurlaunaforstjórar (þeir kláru) virðast ekki lækka í bónusum þó að fyrirtæki standist ekki áætlanir eða jafnvel stórtapi!

Ég er svo einfaldur að ég geri bara ráð fyrir því að þessu vilji ESB sporna gegn!

Er þeir bestu svo fáir að þeir geti farið fram á kvað sem er í samningum eða er eitthvað þögult samkomulag um að skaffa sér svona ríflega, sama á hverju gengur?

Er enginn tilbúinn að sinna þessum störfum með sama árangri fyrir minni laun?

Sjálfur hef ég ekki á móti því að fólk fái góð laun fyrir góðan árangur í starfi, en að fáir einstaklingar í stórfyrirtækjum með hundruð eða þúsundir undirmanna, sem allir eru jafn skyldugir að skila sínu verki, fái jafn mikið eða meiri laun en allir undirmenn til samans, hljómar svolítið öfgakennt í mínum eyrum! 

Það er kannski við hæfi að minna á brot úr textanum Vegurinn til glötunar með Poetrix.

Lík kistur eru ekki með vasa!

Eða hvað, það skyldi þó ekki vera að einhverjir þessara snillinga hafi fundið leið:)) 

 

 

 

ESB ræðst til atlögu við ofurlaun

Athyglisverð myndbönd!

Við gerum eins og okkur er sagt! Er það ekki? 

 

Meðferð manna!

 Alltaf gaman að samsæris-kenningum þessi er góð (svipað og að gefa þeim efnuðu frí frá fjármagnstekju-skattinum! )

 

 Og svo dýra!

 Ég held því miður að margt fólk hljóti ekkert betri meðferð en þessi dýr víða um heim!

Lausaganga Búfjár

Á þjóðvegi 1 rétt austan við Þjórsá varð fyrir skömmu ömurlegt slys þegar ekið var á hross sem stóð á Þjóðveginum með þeim afleiðingum að hrossið dó, bíllinn ónýtur (Hyunday Starex) og mikil mildi að bílstjóri og unglingur sluppu með eymsli að því er virðist, og andlegt áfall.

Þetta gerðist seint um kvöld og í ljós kom að þarna var ekki einn hestur á ferð heldur hrossastóð en þessi eini stóð á veginum og varð fyrir bílnum.

Þar sem þetta tengist mér mjög þá ætla ég ekki að fella dóm hér en langar að fá viðbrögð við þeim svörum sem fengust þegar réttar vegna trygginga var leitað.

Svar Lögreglu og Sveitarstjóra er að lausaganga Búfjár er leyfilega á þjóðvegi 1. á viðkomandi vegarkafla og það sé ákvörðun viðkomandi Sveitarfélags hverju sinni.

Í vegalögum sem tóku gildi 1. Janúar 2008 stendur hinsvegar:  

50. gr. Lausaganga búfjár.
Lausaganga búfjár á stofnvegum og tengivegum þar sem girt er báðum megin vegar og lokað er fyrir ágangi búfjár, t.d. með ristarhliði, er bönnuð. 

Sem á við í þessu tilfelli, en þrátt fyrir það er búfénaður sagður í rétti og enginn viðurlög við banninu!

Hvort sem Vegagerðin eða Sveitarfélögin hafi ákvörðunarvald um að heimila lausagöngu á Þjóðvegi 1. Þá held ég að réttmæt krafa sé að viðkomandi vegarkafli þar sem lausaganga búfjár er leyfileg,  beri merkingar þar um!

Ég var ekki í viðkomandi bíl, en hef verið vegfarandi um þennan veg nokkuð reglulega frá fæðingu.

Kominn heim...

Þá er hann mættur aftur, í bili amk. Hef verið um borð á frystitogara að þvælast um miðinn síðustu 35 daga. Góður túr og góður mórall um borð. Það eru tvö ár frá því að ég var síðast á sjó. það er mikil keppni í svona vinnu þetta snýst náttúrulega um að koma aflanum ferskum og snyrtum í frost á stuttum tíma og allra hagur að það gangi sem best fyrir sig. Svo að liðsheildin á vaktinni skiptir miklu máli, vaktformaðurinn minn hann Dabbi var ánægður með liðið sitt enda var þetta met-túr á togaranum Baldvin Njálssyni.

Annars átti RÚV mikið í allri umræðu um borð. Það er mikil bylting fyrir sjómenn að sjá fréttir og dagskrá RÚV frá gervihnetti. Þetta sér þó bara skipstjórinn, Vélstjórarnir og önnur vaktin!

Hin vaktin er að vinna svo að það væri nú ekki vitlaust að fá endurteknar fréttirnar eins og Kastljósið í dagskrár lok, það hentar örugglega líka fyrir annað fólk í vaktavinnu.

Nú svo er það útvarpið sem var að gera suma brjálaða, á langbylgju er Rás 1 í öndvegi og á næturnar eru allar bestu sinfóníur heimsins spilaðar í gríð og erg til að hefja upp menningar andann einhversstaðar, ekki þó hjá Sjómönnum, held að menningin deyi alveg þegar skipt er í miðjum Íþróttafréttum yfir á Rás 1. En það virðist vera rétti tíminn hjá RÚV til að skipta milli stöðva.

Annars langar mig að lýsa yfir ánægju með baráttu Flutningabílstjóra!

Mér fannst Lögreglan bara hjákátleg og sorglegt að sjá hvernig þeir stóðu að verki nú síðast. Á nú að fara að berja niður allar skoðanir aðrar en ríkisins hér á landi líkt og í Kína og víðar?

Mér finnst gott að vita að það sé til hópur af kjörkuðu fólki sem lætur í sér heyra þegar því ofbíður.

En 200 manna her bjargar sjálfsagt öllu og gefur ríkinu frið til að gera í buxurnar án þess að kjósendur fái nokkru ráðið!

 

Frelsi - til hvers?

Frelsi er vandmeðfarið! 

Það vekur oft athygli mína hversu vel við erum að okkur um aðrar þjóðir og þeirra menningu, sérstaklega í samanburði við okkar einstaka og ágæta land. "Bezt í Heimi" Segir þar alla söguna.

Í einni spjallþrætunni sem ég las þá snérist þrætan að hluta til um Ingibjörgu Sólrúnu og hvers vegna hún bæri slæðu við heimsókn í Islams ríki. Sumum fannst þetta undirlægjuháttur, öðrum kurteisi við menningu viðkomandi lands, og ef ég bæti við þá gæti það líka verið vegna sólarinnar og öryggisráðstöfun.

Einhver sagði að "þetta fólk tekur ekki niður slæðuna þegar það kemur hingað til lands" eins og það sé  alger óvirðing!

Ég spyr: Er það óvirðing við okkur staðföstu frelsishetjurnar að gestir okkar taki ekki niður slæðu þegar komið er á skerið?

Hvað með þetta frelsi sem við státum okkur af?

Er þetta hentisemi frelsi, sem er ekki ætlað öllum nema með ákveðnum forsendum?

Vegna þjóðernis eða trúar erum við að ætla þeim að leika eftir okkar reglum...Vestrænum Frelsis reglum!!!

Þá er nefnilega við hæfi að banna viðkomandi að hafa slæðu og svipta af viðkomandi því val-frelsi!

Mig minnir að mér hafi verið kennt í barnæsku að þetta væri kallað tvöfeldni,rætni,illgirni,einelti eða eitthvað í þá átt.

Það má því sennilega kalla mig öfga frjálshyggjumann því að ég vill gjarnan sjá blandaðan heim af öllum þessum frábæru menningar fjölbreytileika, ef fólk vill blanda menningu eða kynþáttum þá er það þeirra val sem þýðir frelsi í mínum huga.

Þeir sem ekki vilja blandast á einn eða annan hátt hafa val líka og þar með sitt frelsi!

Klæðaburður á vesturlöndum er mjög frjáls, svo frjáls að jafnvel ég er orðinn þreyttur á allri þessari nekt og krefst þess að konan mín sofi í náttfötum, sem væri frelsis-svipting ef hún væri ekki svona glöð með það :) 

Mín skoðun er sú að við eigum að hjálpa innflytjendum að aðlagast okkar þjóðfélagsgerð án þess að taka frá þeim þeirra hefðir eða gera lítið úr þeirra uppruna.   

En svo eru líka til þeir sem vilja þvinga þeirra frelsi upp á aðra, frekar stórt dæmi er utanríkisstefna USA við flestar aðrar þjóðir! Þessi mikla frelsis þjóð sem ég dái svo mjög að öðru leiti.

Einstaklingar eru jafn hættulegir í frelsis þvingun.

Frelsi fyrir einn til að gera það sem honum sýnist er oft á tíðum frelsissvipting fyrir þann næsta. Nefnum t.d.  Barnaþrælkun og Vændi!  Frelsi er tvíeggja sverð!

Það er því miður oft þannig að við ætlumst til þess að gestir þessa lands geri eins og við í einu og öllu! Þá á ég við að gera eins og ÉG í einu og öllu!

Og verða fangar í frelsinu með mér!