Marokkóskir hryðjuverkamenn drepa mótmælendur V-Sahara í sínu eigin landi

Eigum við ekki að kalla þessar aðgerðir sínu rétta nafni?

 

16 Október 1975 hvað Alþjóðadómstóllinn upp þann dóm með hreinum meirihluta að hvorki Marokkó né

Máritanía ættu réttmætar kröfur til landsvæðis Vestur-Sahara (Spænsku Sahara). En þessi lönd byggðu kröfur sýnar á sögulegum tengingum við landsvæðið. Auk þess tók dómurinn af vafa um að landið væri einskimannsland, og réttmætir búar landsins væru Sahrawi þjóðin sem ætti rétt á að kjósa sér sjálfstæði eða samruna við annað land. Og til þess þurfti mikinn meirihluta íbúa til að öðlast löglega staðfestingu.

Hvorki Marokkó né Máritania sættu sig við þessa niðurstöðu 

Þann 31. Október 1975 sendi Marokkó her sinn inn í landið til að berjast við Polisario sjálfstæðissinna landsins.

Nóvember 6. 1975 Marokkó hóf aðgerð  Green March inn í Vestur Sahara. Um 350,000 óvopnaðir Marokkómenn fóru til Tarfaya og biðu fyrirmæla King Hassans II um að fara inní V-Sahara.

Þetta varð til þess að Spánverjar settust að samningaborði og létu undan þrýstinga Marokkó.

Úr varð Madridar-samkomulagið sem skipti landinu á milli Marokkó og Máritaníu og hlut tekna af Fiskveiðum og Fosfatvinnslu sem Spánverjar fengu í sinn hlut.Enginn þessara aðila hafði  Sahrawi Þjóðina með í ráðum!

Kalda stríðið var líka háð mjög harðlega um þetta landsvæði þar sem Marokkó var eina Afríkulandið sem studdi Vesturveldin. 

Meðferðin sem Sahrawiþjóðin hefur fengið frá Alþjóðasamfélaginu er til skammar sem og aðgerðarleysi Sameinuðuþjóðanna.

SÞ harma blóðbað í V-Sahara

Joseph Stiglitz

 

Verðtryggð húsnæðislán, sem og gengistryggð lán, eru áhættusamningar, sem stjórnvöld hefðu átt að vara almenning við. Þau eru gölluð vara, sem stjórnvöldum ber að endurskoða. Þetta segir Joseph Stiglitz, Nóbelsverðlaunahafi í hagfræði.

 Úr grein á vísi.is (Þetta er skyldulesning!)

http://www.visir.is/article/20090909/FRETTIR01/285799869

Þetta er spurning um skilvirkni, félagslegt réttlæti, félagslega samstöðu og réttsýni," segir Stiglitz  

Ert þú sek/ur um rangfærslur og meiðyrði á vefsíðum.

Fréttir af lokun vefsíðunnar "Ringulreið" vekur upp spurningar um fleiri síður þar sem frekar óhugnanlegt einelti á sér oft stað án þess að það sé á allra vörum og þær eru ekki bundnar við unglinga, fullorðnir eru ekkert betri á veraldarvefnum!

Það eru sumar spjallsíður dýraeigenda þar hef ég séð ýmislegt vafasamt, og þykir undarlegur stjórnenda-bragur á þeim síðum eða réttara sagt enginn, þar er málfrelsið svo algjört að þú getur sagt það sem þér sýnist án þess að koma fram undir réttu nafni, áberandi er misklíð milli hópa og einstaklinga sem fólk lætur frá sér ýmislegt óstaðfest og oft á tíðum hreinar lygar frá sér undir fölskum nöfnum og hreinlega er að eyðileggja mannorð annarra!

Þetta er vissulega neikvæður þáttur við Internetið en er að sjálfsögðu þessu fólki mest til skammar sem hagar sér svo.

Get ekki ímyndað mér að það sé erfitt að skikka spjallborðs eigendur með lögum eða reglugerðum til að vinna á sama hátt og bloggið hér á blog.is þ.e. að nafn raunverulegs bloggara sé á bak við höfundarheitið.

Það gefur vefnum meiri trúverðugleika og fær fólk til að vanda aðeins betur hvað það lætur frá sér.....vonandi!

Eins og margoft hefur komið fram þá er erfiðara að hreinsa út umæli af veraldarvefnum en að setja inn!

Til gamans og upplýsingar fyrir þá sem halda að þeir geti sagt allt í þeirri trú að þeir hafi fullt málfrelsi:

 

Hver, sem opinberlega leggur annan Mann í einelti með vísvitandi ósönnum skýrslum, sem lagaðar eru til þess að lækka hann í áliti almennings, sæti sektum eða [fangelsi]2) allt að 1 ári.
1)L. 94/2000, 4. Gr. 2)L. 82/1998, 124. Gr.   234. Gr. Hver, sem meiðir æru annars manns með móðgun í orðum eða athöfnum, og hver, sem ber slíkt út, skal sæta sektum eða [fangelsi]1) allt að 1 ári.
1)L. 82/1998, 127. Gr.
235. Gr. Ef maður dróttar að öðrum manni einhverju því, sem verða myndi virðingu Hans til hnekkis, eða ber slíka aðdróttun út, þá varðar það sektum eða [fangelsi]1) allt að 1 ári.
1)L. 82/1998, 128. Gr.
236. Gr. Sé ærumeiðandi aðdróttun höfð í frammi eða borin út gegn betri vitund, þá varðar það ...1) fangelsi allt að 2 árum.
Sé aðdróttun birt eða borin út opinberlega, enda þótt sakaráberi hafi ekki haft sennilega ástæðu til að halda hana rétta, þá varðar það sektum ...1) eða fangelsi allt að 2 árum.
1)L. 82/1998, 129. Gr.       241. Gr. Í meiðyrðamáli má dæma óviðurkvæmileg ummæli ómerk, ef sá krefst þess, sem misgert var við.
Dæma má þann, sem sekur reynist um ærumeiðandi aðdróttun, til þess að greiða þeim, sem misgert var við, ef hann krefst þess, hæfilega fjárhæð til þess að standast kostnað af birtingu dóms, atriðisorða Hans eða forsendna jafnframt, eftir því sem ástæða þykir til, í opinberu blaði eða riti, einu eða fleirum.
242. Gr. Brot þau, sem í þessum kafla getur, skulu sæta ákæru svo sem hér segir:  

Sjúkrabílar í Rangárþingi

Heilsulandið Ísland. 

Sparnaður sparnaður.......Nú stendur fyrir dyrum skerðing á þjónustu Sjúkrabíla í Rangárþingi.

Þessi gjörningur á að hefjast þann 1 Júní. Þá verður einn Sjúkrabíll og einn starfsmaður sem á að sinna daglegum skyldum á dagvinnutíma. Í dag eru tveir bílar til taks og fjórir starfsmenn (á vöktum) sem eru til taks á bakvakt að loknum dagvinnutíma. Í stað þess á sjúkrabíll að koma frá Selfossi. Tölur segja að ferðir Sjúkrabíla í Árborg hafi stóraukist á síðast liðnum árum og þetta því væntanlegt viðbótarálag á þá þjónustu.

Þetta er með öllu óskiljanleg ákvörðun og forkastanlegt að lengja viðbragðstíma neyðarþjónustu með þessum hætti ! Rangárþing er stórt og íbúar dreifðir, að auki er í Rangárþingi ört vaxandi ferðaþjónusta og mikil aukning ferðamanna.

Lögreglan á svæðinu hefur líst yfir áhyggjum sínum af þessari skerðingu og skiljanlega uggur í heimamönnum! Þetta er þó ekki eingöngu mál okkar Rangæinga, mikil umferð er milli lands og Vestmannaeyja í gegnum Bakkaflugvöll og mun sú umferð væntanlega stór aukast með tilkomu Bakkafjöruhafnar, en Þar er nú þegar mikið af starfsmönnum í nokkuð áhættusömum störfum.

Um 400 börn í Rangárþingi öllu ferðast með skólabílum fram og til baka daglega við misgóðar aðstæður á veturna í löngum akstri.

Viðbragðstími Sjúkrabíla í Reykjavík hefur borðið á góma í samanburði en ég hef heyrt að æskilegt sé að Sjúkrabíll í Höfuðborginni sé kominn á staðinn innan 7-10 mínútna.

Sjúkrabíll sem á að koma frá Selfossi á Hvolsvöll (þar sem bílarnir eru nú staðsettir) fer 50 km leið á þjóðvegi 1. í forgangs-akstri og svo útí sveitirnar, það sjá allir hversu biluð þessi hugmynd er!

Ég er þó afskaplega glaður með það að íbúar Rangárþings hafa sjálfir ekki gefið upp von um "leiðréttingu" á þessu bulli. Og í dag er ört stækkandi grúppa á Facebook að mótmæla og greinilegt að almenningur er sammála okkur.

Vonbrigðin! Að ég finn ekkert um málið á svokölluðum "fréttavefjum" á Suðurlandi

Tengdir tenglar: 

Sjúkrabílar í Rangárþingi - mótmæli á Facebook

http://www.facebook.com/group.php?gid=71086386185&ref=share:

 

http://www.sudurglugginn.is/    

http://www.sudurlandid.is/

http://www.sudurland.net/ 

Auglýsingaherferð og mannréttindi

Mig langar að lýsa yfir ánægju með auglýsingar sem nú sjást í fjölmiðlum, þar sem innflytjendum eru færðar þakkir fyrir framlag sitt til fjölbreyttara samfélags á Íslandi.

Framtakið er til fyrirmyndar og vonandi sjá það sem flestir að með því að sýna uppruna fólks virðingu þá auðveldar það viðkomandi að aðlagast okkar samfélagi án þess að þurfa að skammast sín eða fara í felur með uppruna sinn.

Gott er að setja sig í sömu spor, ef þú ert til dæmis að flytja erlendis eða einhver ættingja þinna!

Hvernig viltu að sé tekið á móti þér þar?

 

Meiri upplýsingar um framtakið er að finna á 

 http://www.humanrights.is

"Það er mjög niðurdrepandi að lifa á tímum þar sem auðveldara er að kljúfa atóm en fordóma"

                                                                                                                   Albert Einstein