Miklar breytingar hjá Manchester United

Slúður og Staðreyndir.

The Sunday Times tekur óvenju mikinn þátt í baráttu slúðurdálkana þessa helgina, og fara mikinn, um miklar breytingar framundan hjá Manchester United.

Sóknarmennirnir ungu Adem Ljajic (19) og Mame Biram Diouf (21) munu væntanlega koma til liðsins í Janúar en þeir eru í láni hjá Partizan Belgrade og Molde, liðunum sem þeir voru keyptir af.

Samkvæmt Sunday Times er Sir Alex Ferguson að kaupa Luis Suarez 22 ára gamlann framherja og fyrirliða Ajax og er talað um £35 milljónir. Leikmaðurinn er landsliðsmaður frá Uruguay og hefur skorað 54 mörk í 75 leikjum fyrir Ajax

Ajax er vel kunnugt um áhuga Ferguson og horfa spenntir á mögulegt verðstríð þar sem önnur lið eins og Manchester City, Internazionale og AC Milan hafa einnig sýnt leikmanninum áhuga.

Martin Jol sem var ráðinn þjálfari Ajax síðastliðið sumar, telur þó Suarez nauðsynlegan fyrir liðið eigi það að ná Hollenska titlinum í fyrsta skipti í sex ár, en hins vegar er talið öruggt að Ajax selji leikmanninn fái þeir ásættanlegt tilboð.

Bakmeiðsli Rio Ferdinand sem nú er talið að verði frá í allt að 8 vikur vegna meiðslanna, vekur til umtals áhuga Man Utd á hinum unga 21 árs landsliðsmanni Englendinga, og leikmanni Everton, Jack Rodwell en leikmaðurinn hefur vakið mikla athygli og er nú nefndur sem næsti arftaki Rio Ferdinand í miðju United varnarinnar.

Ferguson er sagður bíða og sjá hvort Owen Hargreaves sé loks að verða klár í slaginn vegna hné meiðsla sem hafa haldið honum frá fótbolta í rúmt ár. Nú eru um 20 mánuðir eftir af samningi Owen Hargreaves og er talað um nýjan samning pay-as-you-play með hækkandi launum eftir leikjafjölda og árangri.

Manuel Neuer markamaður Schalke í Þýskalandi verður arftaki EVDS hjá UNITED.

The Mail on Sunday telur það sífelt líklegra að Neuer sé rétti eftirmaður Edwin van der Sar hjá Manchester United, og með endurnýjuðu tilboði í markvörðinn, mun United reyna að fá hann til sín í Janúar til að bægja frá áhuga Bayern München. Endurnýjuðu tilboði uppá £ 12m er spáð en heimildir fregna að Schalke hafi hafnað tilboði United sem barst í Sumar.

Neuer setur þar með aftur fyrir sig markmenn eins og Igor Akinfeev og fleiri sem nefndir hafa verið til sögunnar. 

þetta eru slæmar fréttir fyrir Ben Foster reynist þær sannar. En mörgum finnst hann ekki hafa það sem til þarf til að fylla skó Van der Sar þegar hann hættir eftir þetta tímabil.

David Villa OG David Silva fyrir £50milljónir frá Valencia í gjafapappír.

Valencia er í fjárhagsvandræðum og eiga erfitt með að halda öllum sýnum leikmönnum, David Villa er eftirsóttur af fjölmörgum liðum en hann hafði hug á að fara til Real Madrid sem valdi Karim Benzema fram yfir hann. Ferguson er sagður hafa mikinn áhuga á þeim báðum og þá ekki síður David Silva sem gæti bætt lífi í miðju United og fullkominn arftaki Paul Scholes.

 

 

Samantekt á þessum nýja/breytta mannskap hjá Manchester United:

Mame Biram Diouf.  Sókn (keyptur)

Adem Lajijc.  Sókn  (Keyptur)

Luiz Suarez. Sókn  (Slúður)

David Villa. Sókn  (Slúður)

Owen Hargreaves (að koma úr meiðslum)

David Silva. Miðja  (Slúður)

Jack Rodwell. Vörn  (Slúður)

Manuel Neuer. Mark  (Slúður)

Svo geta menn nú spáð hvað gerist, og hvað ekki eins og vanalega en Ferguson á ennþá smávegis í sparibauknum eftir söluna á C. Ronaldo :)

 

Enski boltinn

Hér er smá upprifjun vegna fréttar  á mbl.is þann 26.2.2009.

Þar kemur fram að móðurfyrirtæki Stöðvar 2 (þá 365) náði áframhaldandi samningum um útsendingarrétt  á Enska boltanum.

Og fékk Stöð 2 sem sagt lækkað verð á pakkann vegna breyttra aðstæðna!

Ég velti fyrir mér hvort að Stöð 2 Sport 2 lækki verð til viðskiptavina sinna í samræmi við það?

 

Enski boltinn áfram hjá 365

Til Hamingju Ísland

 

 

 

 

 
Til hamingju Öggi, Friðrik Ómar, Regína Ósk og allir Íslenskir Eurovison aðdáendur.

Hvar verður aðal partíið???? 

 

Ísland áfram í Eurovision

Frábær leikur!

Ég var spenntari en 1999, þetta var frábær úrslitaleikur. 

Man. Utd Evrópumeistari

Kominn heim...

Þá er hann mættur aftur, í bili amk. Hef verið um borð á frystitogara að þvælast um miðinn síðustu 35 daga. Góður túr og góður mórall um borð. Það eru tvö ár frá því að ég var síðast á sjó. það er mikil keppni í svona vinnu þetta snýst náttúrulega um að koma aflanum ferskum og snyrtum í frost á stuttum tíma og allra hagur að það gangi sem best fyrir sig. Svo að liðsheildin á vaktinni skiptir miklu máli, vaktformaðurinn minn hann Dabbi var ánægður með liðið sitt enda var þetta met-túr á togaranum Baldvin Njálssyni.

Annars átti RÚV mikið í allri umræðu um borð. Það er mikil bylting fyrir sjómenn að sjá fréttir og dagskrá RÚV frá gervihnetti. Þetta sér þó bara skipstjórinn, Vélstjórarnir og önnur vaktin!

Hin vaktin er að vinna svo að það væri nú ekki vitlaust að fá endurteknar fréttirnar eins og Kastljósið í dagskrár lok, það hentar örugglega líka fyrir annað fólk í vaktavinnu.

Nú svo er það útvarpið sem var að gera suma brjálaða, á langbylgju er Rás 1 í öndvegi og á næturnar eru allar bestu sinfóníur heimsins spilaðar í gríð og erg til að hefja upp menningar andann einhversstaðar, ekki þó hjá Sjómönnum, held að menningin deyi alveg þegar skipt er í miðjum Íþróttafréttum yfir á Rás 1. En það virðist vera rétti tíminn hjá RÚV til að skipta milli stöðva.

Annars langar mig að lýsa yfir ánægju með baráttu Flutningabílstjóra!

Mér fannst Lögreglan bara hjákátleg og sorglegt að sjá hvernig þeir stóðu að verki nú síðast. Á nú að fara að berja niður allar skoðanir aðrar en ríkisins hér á landi líkt og í Kína og víðar?

Mér finnst gott að vita að það sé til hópur af kjörkuðu fólki sem lætur í sér heyra þegar því ofbíður.

En 200 manna her bjargar sjálfsagt öllu og gefur ríkinu frið til að gera í buxurnar án þess að kjósendur fái nokkru ráðið!

 

Bubbi 2.

Get ekki að því gert, ég hef hreinlega virkilega gaman af þættinum um Bandið hans Bubba.

Ég virði þá viðleitni Bubba að vilja hafa allt sungið á Íslensku og skemmtilegar uppákomur með enskuslettur í þættinum hafa vakið athygli mína! Gott fyrir umræðuna um Íslenskt málfar. 

Þessi útgáfa af sjónvarpsþætti er meira í ætt við Rockstar sem hann Magni tók þátt í en t,d, Idolið, reyndar nokkuð svipuð uppsetning, en þó þægilega Íslensk og án öfganna.

Dómararnir eru sjáanlega með öll skilningarvitin í lagi. Villi (Naglbítur) var mun nákvæmari og (on his game:-) í þessum þætti og er að leggja hart að sér að draga úr enskuslettunum. Björn Jörundur er frábær en sem komið er og með góðar samlíkingar og þekkingu á efninu. Bubbi er bara Bubbi og stendur alltaf fyrir sínu. Gestadómari: Margrét Eir er alveg einstök, einlæg og með uppbyggilegar ábendingar hef alltaf dáðst að hennar framkomu og söng frá því að ég sá "Svartan Pipar" á Gauknum.

Dómararnir hafa skilað sínu til þess að það sé góð skemmtun og húmor í gangi. 

Kynnirinn: Unnur Birna er vaxandi í því starfi og það er mjög skemmtileg hlið á henni hvað hún á auðvelt með að gera grín að sjálfri sér, virðist líða vel og er jarðbundin, ekki hnökralaust, en fyrir bragðið meira lifandi.

Í mínum huga eru línurnar að verða mjög skýrar eftir aðeins þessa tvo þætti.

(2)Arnar Már er  líkastur Bubba á yngri árum, ef það er þá verið að leita að slíkum söngvara og afskaplega skemmtilegur, ferskur að mörgu leiti, það er líka smá Erpur í honum.

(3)Thelma Hafþórsdóttir var ekki góð í kvöld, en ég er hrifinn af röddinni og svið-sjarmanum, hún hefur gríðarlega útgeislun og á mikla framtíð fyrir sér í söngnum, þrátt fyrir veikindi þá var hún miklu betri en flestir og tók áhættu. Kjörkuð jákvæð og skemmtileg!

(4)Birna Sif gæti vel orðið P!nk okkar Íslendinga. Hefur hása og skemmtileg rokkrödd, minnir mig á Bryndísi Ásmunds leikkonu þegar ég heyrði fyrst í henni (í Iðnskólanum 90 og eitthvað!!) Og Birna Sif hefur þennan náttúrulega og áreynslulausa svið-sjarma

Hanna Vigdís. Með skemmtilega rödd og kom aðeins á óvart að hún skildi falla út svona snemma virkaði ekki í stuði þrátt fyrir heillandi framkomu að öðru leiti.

Hjálmar Már. Hann er svolítil ráðgáta fyrir mér, Hnakki með Popprödd en tek undir það sem Björn Jörundur sagði varðandi þroska raddarinnar, sennilega frekar óþroskuð.

Vilhjálmur Örn. Kom á óvart með glettilega skemmtilega útgáfu af Bryan Adams slagara, svolítið hjartaknús í gangi og örugglega fínn í Poppið en sennilega ekki í Bandið hans Bubba að óbreyttu.

Sigurður Guðlaugs. skemmtilega framkoma, þó að minna hafi komið út úr röddinni, ég held að það skrifist á reynsluleysi og raddbeitingu, efast um að þessi sé alveg horfinn af sjónarsviðinu, rokkið er hans deild.

 Birgir Sævarsson. Með mikinn sjarma og skemmtilega sviðsframkomu, þarf að bæta sig talsvert til að eiga möguleika, en með æfingunni þá getur hann vel fetað í spor Jogvans og félaga í þeirri deild poppsins.

 (1) Eyþór Ingi Gunnlaugsson.

Maður kvöldsins Eyþór Ingi er með mesta raddsviðið og fór vel með það í kvöld. Klassískur rokksöngvari með mikla innlifun og túlkun í sýnum flutningi. Minnir svolítið á flutning Meat Loaf í leikrænum tilburðum á sviðinu, en engan veginn á anna hátt! Allveg frábær!

Draumasöngvari til að vinna með, fyrir lagahöfunda sem vilja mikla breidd! Hringdu!!

Það er góð áskorun að semja rokktónlist fyrir þessa rödd.

Sem sagt í mínum huga er staðan svona (frá 1-4) eftir þessa tvo þætti fyrir alla þær þúsundir lesenda þarna úti.... sem langaði að lesa þetta!

p.s. Frábært húsband, jafnvel aðeins of fágaðir!

Hljómsveitarstjóri/Gítar: Vignir Snær Vigfússon
Trommur: Arnar Þór Gíslason
Bassi: Jakob Smári Magnússon
Hljómborð: Þorbjörn Sigurðsson
Gítar: Einar Þór Jóhannsson
Gítar/Hljómborð/Bakraddir: Pétur Örn Guðmundsson  

Stjórnvöld hyggjast styrkja Bankana

 

Björgvin G. Sigurðsson viðskiptaráðherra segir ekki koma til greina að missa bankana úr landi. Hann segir ríkisstjórnina vinna hörðum höndum að því að styrkja starfsumhverfi bankanna. Viðskiptaráðherra segir það jákvætt að íslenska ríkið haldi hæstu einkunn hjá matsfyrirtækinu Moody's en þar sé einnig bent á að það kunni að breytast.

Ráðherra segir að nú fari hópur á sínum vegum yfir það hvort fyrirtæki geti gert upp og skráð hlutabréf sín í erlendri mynt. Þá verði skoðað hvað sé hægt að gera til að bregðast við því að íslenska myntsvæðið sé að verða of lítið, haldi bankarnir áfram að auka umsvif sín.

 

Ólafur Ísleifsson, lektor við Háskólann í Reykjavík, sagði í Útvarpsfréttum í gær að niðurstaða skýrslu matsfyrirtækisins Moody's væri sú að það myndi draga úr skilyrtum ábyrgðum ríkisins ef bankarnir drægju saman seglin í útlöndum eða flyttu höfuðstöðvar sína úr landi.

Ólafur segir að af þessu megi gagnálykta að vilji ríkisstjórnin ekki missa bankana úr landi verði hún að grípa til aðgerða til að styrkja starfsumhverfi bankanna; einkum á sviði gjaldeyrismála.

Allir bankarnir á athugunarlista

Allir þrír stóru íslensku bankarnir eru nú á athugunarlista matsfyrirtækisins Moody´s vegna hugsanlegrar lækkunar á einkunn þeirra. Bankarnir, Glitnir, Kaupþing og Landsbankinn, hafa allir langtímaeinkunnina Aa3 fyrir lánshæfi og einkunnina C fyrir fjárhagslegan styrkleika.

Kaupþing hefur verið á athugunarlista frá því bankinn tilkynnti um yfirtöku á NIBC bankanum í júlí og eftir að tilkynnt var í morgun að þau kaup væru úr sögunni tilkynnti Moody´s að Kaupþing yrði áfram á listanum. Slök afkoma bankanna í lok síðasta árs og horfur um erfiðleika á mörkuðum á næstunni eru helstu forsendur þessarar ákvörðunar Moody´s.

 Fjögur atriði eru talin í tilkynningu Moody´s, sem skoðuð verða hjá öllum bönkunum. Í fyrsta lagi öryggi tekna þeirra í ljósi erfiðra aðstæðna á mörkuðum, þá áhrif hærra skuldatryggingarálags sem er íþyngjandi fyrir bankana á fjármögnun þeirra, í þriðja lagi þróun gæða eigna bankanna með tilliti til hins ótrygga ástands sem nú ríki á íslenska hlutabréfamarkaðnum og loks þróun lausafjárstöðu bankanna með tilliti til markaðsaðstæðna.

Um leið og fyrrgreind atriði eru til athugunar var staðfest af Moody´s að skammtímaeinkunn þeirra væri staðfest. Um alla bankana þrjá gerir Moody´s ennfremur þá athugasemd að viðskiptamódel þeirra hvíli að stórum hluta á fjárfestingabankastarfsemi og fjármálamörkuðum sem verði hvort tveggja krefjandi starfsemi næsta árið.

Um Glitni er sú athugasemd að enn standi yfir breytingar á eignarhaldi bankans og samruna við fyrirtæki á norræna markaðnum sé ekki lokið með tilheyrandi stefnubreytingum við samrunann.

Landsbankinn fær þá athugasemd að óvissa tengist nýjum netbankainnlánum bankans erlendis en þau jukust gríðarlega í fyrra og standi undir fimmtungi af fjármögnun bankans. Moody´s lýsir áhyggjum af því hve stöðug slík fjármögnun sé. Moody´s segir í tilkynningu sinni að niðurstöður athugunar á bönkunum eigi að liggja fyrir innan mánaðar.

Af fréttavef RUV. 

http://www.ruv.is/heim/frettir/frett/store64/item188770/  

Skemmtilegra í blíðu!

Það var virkilega gaman að horfa á Landsleikinn í dag við Slóvakíu.

þrátt fyrir að það færi smá Svíafiðringur um mann í byrjun seinni hálfleiks.

Fyrri hálfleikurinn var ákaflega sætur og liðið á greinilega mikið inni!

Eina sem ég saknaði var að skytturnar létu vaða á markið!

Það virðist svolítill samhljómur hjá fyrirliðum okkar, bæði í handboltanum og fótboltanum þeim Ólafi Stef og Eiði Smára.

Þeir eru bara kannski of góðir til að hinir fylgi með sem lið?

Liðsheildin virkaði allt önnur í dag! 

Áfram Ísland! 

Alfreð: Frábær fyrri hálfleikur

Höfundaréttur.

Þetta er athygliverð frétt.

Höfundaréttur hefur verið í umræðunni, en ekki nægilega mikið.

Helst hefur sú umræða komið upp í tengslum við niðurhal af netinu og þá oft í tengslum við 365 ljósvakamiðla, sem eðlilega hafa ekki verið sáttir við ólöglegt niðurhal á myndefni sem þeir hafa dreifingarrétt á.

Það er þörf á að skerpa vitund almennings og jafnvel leikmanna á lögum um höfunda og dreifingarrétt og koma þessum upplýsingum í nútímalegt og aðgengilegt horf.

Ég hefði haldið að Stef með sínu öfluga starfi í þágu höfundaréttar gætti þess að höfundur hefði um það að segja í hvaða verkefni, og eins í hvaða tilgangi tónlistin er notuð, eins og í þessu tilviki!

En Stefi til varnar þá er gott aðgengi að upplýsingum hjá þeim og starfsfólk liðlegt.  

Ég hef verið að kynna mér höfundarétt undanfarið í tengslum við tónlist, en á greinilega langt í land með að skilja allan sannleikan í þeim efnum.

Ég hvet til umræðu! 

 

„Búið að kasta stærri hagsmunum fyrir minni"

Áfram Ísland !

Svía-grýlan að vakna?  

Tomas Svenson hljómar reyndar ekkert of bjartsýnn fyrir Svía hönd, sem er gott.

En þrátt fyrir sigur á Svíum í síðasta leik, hafa þeir verið okkur erfiðir.

Það er ekki laust við að það sé kominn talsverður spenningur í mann að  fylgjast með Handbolta landsliðinu á EM í Noregi, leikirnir við Tékka kveiktu neistann!

Strákarnir sem fara út:

Markverðir:
Birkir Ívar Guðmundsson
Hreiðar Levý Guðmundsson

Aðrir leikmenn:
Vignir Svavarsson
Bjarni Fritzson
Sigfús Sigurðsson
Ásgeir Örn Hallgrímsson
Guðjón Valur Sigurðsson
Snorri Steinn Guðjónsson
Ólafur Stefánsson
Alexander Petersson
Sverre Andreas Jakobsson
Róbert Gunnarsson
Jaliesky Garcia
Hannes Jón Jónsson
Logi Geirsson
Einar Hólmgeirsson 

 

Áfram Ísland! 

 

Lykilleikur gegn Íslendingum