Siðferðisbrot en ekki agabrot.

Þar var nú presturinn heppinn........ að vera sekur um siðferðisbrot!

En ekki agabrot. Það hlýtur að vera miklu skárra.

En svo má gjarnan einhver útskýra fyrir mér af hverju siðferðisbrot er ekki agabrot! Er ekki siðferðisbrot merki um agaleysi?

Agaleg vitleysa er þetta!

Hyggst hafa boðskap biskups að engu

Hvers á landsbyggðin að gjalda?

Af hverju er það svo sjálfsagt að skera niður á Landsbyggðinni eins og tilneigininn virðist vera til?

Landsbyggðin fékk ekki stóra sneið af góðærinu! Þar hafa orðið minnstar sveiflur í atvinnumálum!

Það tekur lengri tíma að byggja upp atvinnutækifæri í smærri byggðarlögum!

Allt niðurskurðar tal fer í taugarnar á mér! Það er dýrt að skapa störf er mér sagt, og ódýrara að viðhalda störfum þó að því fylgi einhver kostnaður tímabundið!

Þessi varnarvitleysa er ekki til að örva þjóðfélagið heldur stöðva það alveg!

Það koma ekki miklar skatttekjur af störfum sem eytt er og þeir sem tapa vinnunni þiggja gjarnan atvinnuleysisbætur til að halda sér á floti! Í mínum huga er því um tvöfalda vitleysu að ræða þegar störfum er fækkað!

Hef ekkert á móti því að stöðva eyðsluvitleysuna og sýna skynsemi, en það má ekki drepa baráttu-andann.

 

Varar við fækkun háskóla

Veljum Íslenskt.

Þetta er ágætis frétt. Þ.e. innihaldið.

Íslenskt hráefni er það besta sem völ er á og nú betur samkeppnishæft vegna aðstæðna í verðlagi.

Þetta er einn af jákvæðu punktunum eins og staðan er og auðvitað á þetta að vera regla hjá okkur, því að íslenskar matvörur eru í flestum tilvikum meiri að gæðum.

Við þurfum að skapa störf fyrir hvert annað og vinna innan frá nú er tækifæri á að byggja upp Innlenda framleiðslu.

Ríkisstjórnin þarf að taka sig saman í andlitinu og koma Bankakerfinu í gang! Frekar dapurt að horfa upp á góð störf leggjast af fyrir seinagang þegar við þurfum á fleiri störfum að halda!

Íslensk vara sækir á

Winston Churchill og Íslendingar

Stýrimaður um borð sagði mér frá því, eftir að hann koma frá námskeiði í Liverpool, þeirri ágætu Tónlistarborg!

Að hann hefði náð Englendingum fljótt á sitt band varðandi deilur ríkjanna í fjárviðrinu sem hefur ríkt!

Hann hefði einfaldlega bent þeim á að Winston Churchill sjálfur hefði sagt að Englendingar myndu aldrei gleyma stuðningi Íslands við Breta í seinni heimsstyrjöldinni.

Þar sem um eða yfir 280 Íslenskir sjómenn létu lifið í tengslum við birgðaflutninga og fiskigjafir til Englendinga á þeim stríðstímum.

Darling/Brown ættu kannski að fá smá sögukennslu.

 

Hr Öfundur og Frk Græðgi.

Það er öfundsvert að búa á Íslandi en ekki fyrir fjármálaumhverfið. Hvergi taka Bankar almenning eins hressilega í þurrt rassxxxxð eins og hér á landi, svo vilja þeir íbúðalánasjóð burt af markaðnum! 

Hér er bilið milli ríkra og fátækra vaxandi á ógnarhraða eins og annarstaðar í heiminum þrátt fyrir yfirlýstan vilja yfirvalda um allan heim að sporna við þeirri þróun.

Sjáum nú bara hversu auðvelt það var að hækka laun þeirra hæstlaunuðu í kerfinu á meðan barningur var að leiðrétta kjör Ljósmæðra sem þó fengu bara hluta leiðréttan!

Nú eru Læknar að hefja sýna baráttu fyrir bættum kjörum. Ég ber gríðarlega virðingu fyrir Læknum og hjúkrunarfólki almennt. En ég hef áhyggjur af því að þessi launabarátta verði alltaf eins og pissukeppni hjá smástrákum í sandkassa, jú eru ekki flestir Læknar karlkyns... ennþá! Þá erum við kominn útí launamun kynjanna líka!

En ég ætlaði ekki þessa leið, ég ætlaði að tala um raunverulega ástæðu þess að við Íslendingar erum öfundsverðir sem er landið okkar og þau lífsgæði sem við höfum þess vegna, hrein náttúra, hafið, og ferska vatnið. Hér á öllum að geta liðið vel. 

Mig langar aðeins að fara útí málefnin um hreina vatnið sem við látum renna óheft til að fá það aðeins kaldara (gleymdi að fylla klakaboxið)og förum ósparlega með. Nú er verið að reisa vatnstöppunarverksmiðjur víða og væntanlega eru miklir möguleikar í framtíðinni að selja Íslenskt hreint vatn og þá koma til væntanleg vatnalög.

Vatn er auðlind okkar allra en nú er kominn græðgiglampi í augun á ýmsum og hættan er sú að nokkrum góðum vinum verði afhent vatnsréttindin líkt og gert var með Bankana og svo framvegis......... Þetta er að verða svolítið fyrirsjáanleg sápuópera. 

Vandamálið er og væntanlega verður, hann Hr Öfundur og vinkona hans Frk Græðgi.

 

 

Íslendingar öfundsverðir

Áfangasigur mannréttinda.

Vonandi hafa stjórnvöld nú tekið upp stefnubreytingu til hins betra í meðferð flóttamanna og það varanlega!

Hér er oft talað um að okkur Íslendingum þurfi að fjölga, sem á að vera gott fyrir hagkerfið!

Því þarf að efla meira aðstoð við flóttafólk sem og aðra innflytjendur til að aðlagast lífinu á Íslandi svo að þeir verði virkari samfélagsþegnar.

En ekki senda fólk sem hefur ekkert sér til saka unnið skoðunarlaust til baka.

 

Ramses kemur í nótt

HIV/AIDS og Fótbolti

Mikael Silvestre hittir HIV smitaða einstaklinga í Suður Afríku.

Varnarmaður Manchester United, Mikael Silvestre  var hrærður yfir krafti og stolti þessara ungu barna sem hann hitti í heimsókn 'United Fyrir Unicef' í Suður Afríku.

 

  frásögn: Ken Borland
  26 Júlí 2008

Að gefa til baka:

Silvestre heimsótti verkefni þar sem markmiðið er að fræða unga Afríkubúa um AIDS og HIV.

"Þau segja að við séum að vinna með dautt fólk, en ef þú ert með eyðni er ekki þar með sagt að þú sért dauður á morgunn". Segir Thabiso  með bros á vör, en sorgin er augljós í augum hans.

Thabiso, sem er HIV jákvæður samfélagsþjónn er að tala við Mikael Silvestre sem er heillaður af heilindum og ótrúlegri jákvæðni þessa unga manns sem lifir með sjúkdóm sem mun líklega draga hann til dauða.

Það er sennilega enginn sem er jafn tillitsamur og hljótt hugsandi meðal frægra stjarna í liði Manchester United heldur en Mikael Silvestre og þessi þrítugi leikmaður er greinilega djúpt snortinn af kynnum sínum við Thabiso og aðra Eyðni-smitaða Afríkubúa sem hann hitti á skipulögðu fótbolta námskeiði  á vegum Unicef í Jóhannesarborg.

"Mig langaði að koma og hitta fólk með sjúkdóminn og sýna þeim að okkur stæði ekki á sama" sagði Silvestre. "Við erum ókunnugir þeim en þau voru ekki hrædd að opna sig og tala opinskátt um aðstæður og aðstöðu sína við okkur á einlægan og opinskáan hátt.

Þessir krakkar bera höfuðið hátt og lifa sínu hefðbundna lífi. Þau eru einnig staðráðin í a berjast við sjúkdóminn og eru mjög virk í kynningum til að hefta útbreiðslu HIV/Aids í gegnum hin ýmsu samtök, sem er gott að heyra.

Tækifærið bauðst að hitta ungt fólk með áhuga á knattspyrnu í bænum Alexandra sem er skuggahverfi við fótskör ríkustu úthverfa Jóhannesarborgar með tilkomu góðgerðar-samstarfs Unicef og United sem hefur staðið í nokkuð mörg ár.

Þetta samstarf hefur nánar tiltekið staðið í níu ár og upphæðirnar sem við höfum náð að safna eru ótrúlegar. Sem betur fer erum við hjá Manchester með stór hjörtu, sem er bara gott! Segir Mikael Silvestre.

John Shiels yfirmaður góðgerðarmála hjá Manchester United Foundation, nefndi að klúbburinn væri í raun eins og fjölskylda, sem að Silvestre vildi gjarnan vera hluti af enn um sinn. En orðrómur er um að Silvestre sé á förum aftur til Bordeaux þar sem stór-fjölskylda hans býr.

Ég á eitt ár eftir af samningi mínum, svo við sjáum bara til, mér hefur liðið mjög vel og átt frábærar stundir með Manchester United, segir Silvestre.

Annað tímabil með Evrópumeisturunum gerir starfsferilinn að áratug og gefur Silvestre rétt á góðgerðar/vináttu leik sem kann að hafa áhrif á framhaldið hjá Silvestre.

Silvestre sleit liðband í hné í byrjun síðasta tímabils og það var erfiður tími fyrir varnarmanninn sterka.

Sem betur fór var ég var ég tilbúinn fyrir skemmtilegasta hluta tímabilsins þegar við unnum og tókum á móti bikurum. Það var mjög ánægjulegt og nú er tilhlökkun að byrja nýtt keppnistímabil, segir Mikael Silvestre.

En krakkar eins og Thabiso þurfa að sýna mikla ákveðni í þeirra daglegu baráttu við HIV eins og Silvestre nefndi í samtölum sínum við börnin.

En ég sagði krökkunum að við þyrftum þessa sömu ákveðni og styrk til að ná árangri í fótboltanum, og þann sem ég sá hjá þeim.

Unicef leggur áherslu á Aids í hjálparferð sinni um heiminn. Og aðstoð við unga fólkið með upplýsingum um hvernig röng hegðun getur leitt til Alnæmis og hvaða forvarnir séu mögulegar til að varna HIV/eyðnismiti.

 Unicef sér Íþróttir sem lykilatriði til að ná til ungafólksins í forvörnum gegn eyðnifaraldri.

Okkar kjörorð er að gefa "innblástur til afreka" og burtséð frá fjáröflun þá er mjög mikilvægt að nýta þau áhrifatengsl sem okkar Íþróttamenn hafa á unga menn og konur. Þar eru leiðir til að koma upplýsingum á framfæri við börn og ungafólkið. Segir John Shiels.

Fótboltinn sáir fræjum sem börnin eru opin fyrir, það gefur Unicef tækifæri til að koma skilaboðum áleiðis.

Jeremy Sprigge hjá Unicef í Bretlandi, segir að samstarfið með Manchester United hafi aflað tveggja milljóna punda (£2 milljónir) og haft áhrif á meira en eina og hálfa milljón barna umhverfis jörðina.

Til að styðja Alnæmist átak Unicef! Heimsækið  www.unicef.org.uk/manudonate.

Athyglisverð jafnréttis-barátta

Það hefur vakið athygli mína hvað konur hafa verið duglegar að minna á sig undanfarið á nýjum sviðum og greinlegt að þær gefa ekkert eftir í jafnréttisáráttunni!

Þar er ekki ráðist á garðinn þar sem hann er lægstur(má deila um það), einu síðasta vígi karlmanna, glæpa og gáfulausu-deildinni!

Ungar konur í hraðakstri,  kona setti nýlega hraðamet á Bíl um það bil 198 km hraða og hafa einungis mótorhjólatöffarar náð viðlíka árangri í hraðakstri, metið var staðfest af Lögreglunni!

 Nú og eitthvert strákfífl gerði tilraun til að bæta metið nokkrum dögum síðar en það var of mikill meðvindur til að metið teldist gilt!

Nú hafa konur líka tekið drengstaulum og misgáfumönnum fram í barsmíðum á Lögregluþjónum samkvæmt frétt Rúv.is (en fréttin er stolinn af rúv-vefnum) sjá neðar.

Konur veittust að lögreglumönnum

 Lögregla beitti kylfum og varnarúða í gærkvöld þegar tvær konur veittust að lögreglumönnum. Lögregla stöðvaði um miðnætti, í vesturborginni, bíl ökumanns sem grunaður var um ölvunarakstur. Þegar ökumaðurinn var handtekinn réðust tvær konur, sem voru farþegar í bílnum, að lögreglunni með höggum og spörkum og reyndu að frelsa manninn, að sögn lögreglu á höfuðborgarsvæðinu.

Kallað var eftir aðstoð og eru þremenningarnir nú í haldi lögreglu. Þeir verða yfirheyrðir þegar víman rennur af þeim.

Sú kenning hefur verið sett fram að fjölgun Hraðamyndavéla sé ein aðal-orsök þessarar nýbylgju í kvenna afbrotum! Eitt er þó víst að konur búa við fullann jöfnuð í sektargreiðslum fyrir sambærileg brot og karlmenn, og una glaðar með.:)

sjá skýrslu Lögreglunnar 

 

 

Syngja á Ensku! Listamönnum er mismunað!

Ég get vel tekið undir það með Andreu Jóns að fleiri mættu syngja á Íslensku, ef þeir gera það vel og með góða texta.

En ég get ekki fallist á það eins og það er í dag hjá flestu dagskrárgerðafólki og útvarpsstöðvum að spila 99% tónlist á Ensku og segja svo að Íslendingar eigi að syngja á Íslensku!

Hvaða skilaboð eru það til Íslenskra lagahöfunda? 

Ég hef leikið mér við lagasmíðar frá unglingsaldri og hef samið lög nánast alfarið með textann á ensku, þrátt fyrir að uppáhalds höfundar mínir séu rammíslenskir og heita flestir Magnús. Maggi Eiríks, Magnús Þór Sigmunds, Magnús Þór(Megas)o.f.l.... t.d.

Ekki það að mig langi ekki að semja eða fá Íslenska texta við lögin mín. Heldur fara lélegir Íslenskir textar meira í taugarnar á mér en "sæmilegir" enskir textar.

Ég er með tvo Íslenska texta við óútgefin lög mín sem ég er ánægður með og þeir eru eftir Andreu Gylfa og Friðrik Sturluson ég veit þó að ég get gert ágætis texta sjálfur, þetta hefur víst eitthvað að gera með þolinmæði þröskuldinn:)

Ég hef sem sagt leitað til mjög góðra textahöfunda til þess að ég sé sáttur við heildar lagið.

það sama á við um ensku textana ég hef leitað til fagmanna til að leiðrétta málfarsvillur og jafnvel klára mína ensku texta en framboðið af enskum textum er margfalt meira.

Eins á ég erfitt með að venjast lagi upp á nýtt á nýju tungumáli, gott dæmi er Serbian flower (Serbinn). Bubbi er flottur og hefur hans tónlist hefur haft mikil áhrif á mig í gegnum tíðina en hann hljómaði ekki sérlega vel á ensku í mínum eyrum.  

Ég hef ekki ennþá rekist á þátt í Íslensku útvarpi ennþá sem gerir út á það að finna og spila nýja Íslenska tónlist nema það sé kannski á næturvöktunum!

Þá á ég ekki við bara eitt og eitt lag inn í dagskrárgerð heldur þátt fyrir nýja Íslenska tónlist óháð tungumáli og tegund, hvað þá tengingum í menningarmafíunni  

Það virðist vera miklu mikilvægara að spila útlendinga á ensku og mæra þá. í stað þess að íslenskir fái hvatningu til að koma sér á framfæri hérlendis. Kannski er það ástæða þess hversu margir flytja sín lög á ensku? Þeir eiga meiri möguleika á athygli erlendis fyrst til að fá spilun hér heima!!!!! klikkað en......

Ég hef aldrei fengið alvöru spilun á lagi hér á landi en í USA og þá sérstaklega Canada hef ég fengið einhverja athygli og spilun, ég er ekki með starfandi hljómsveit, og hefur mér verið sagt að það myndi opna dyr í Íslenska útvarpið, en af hverju fæ ég þá spilun annarstaðar án þess að vera með hljómsveit! 

En mig langar að lokum koma á framfæri þökkum til IMX (Icelandic Music Export) og vekja athygli á því að þar sé vettvangur og aðstoð til að koma sér á framfæri erlendis

En hver veit kannski á Porterhouse eftir að spila á Íslandi fyrir Íslendinga á Íslenzku:)

Of margir syngja á ensku

Íslendingar erlendis.

Ég veit ekki mikið um Stínu Ágústs söngkonu.

 En þó það að hún hefur m.a. verið að syngja lögin hans Jóhanns G og vakið athygli. Á MySpace síðunni hennar má heyra, til dæmis Don´t try to fool me.  

http://www.myspace.com/stinaagust

Og að auki er Stina í hljómsveitinni Nista

(stafaruglið, stina:))

 

 

 

 

http://www.myspace.com/nistamus

 

Íslensk söngkona vekur athygli í Montreal