Ráðalaus Ríkisstjórn

Pólitík finnst mér mjög leiðinleg, hún er allstaðar og því erfitt að hunsa hana.

Ég hef mikla trú á einstaklingsframtaki en er ekkert hrifinn af óheftri einkavæðingu, sé það ekki sem sama hlutinn.

Sérstaklega er ég á móti einkavæðingu auðlinda, þar finnst mér að almannahagsmunir eigi ávalt að ganga fyrir og í raun eitt af lykilhlutverkum stjórnvalda að sjá til þess að vel sé farið með og gengið um okkar "sameiginlegu" auðlindir.

Ein af auðlindum okkar þó að hún flokkist ekki undir almannaeign er Hámenntað fólk eins og í Heilbrigðisstétt. Ég hef á tilfinningunni að Heilbrigðisráðherra okkar sé svo á móti öllu einkaframtaki og sjálfstæðri hugsun að það bitnar nú á þessari stétt mjög illilega. Hans eina verkfæri virðist vera niðurskurður og hugmyndaleysið er algjört.

Hvað kostar það okkur að senda þetta hámenntaða fólk úr landi? Ráðherrann virðist ófær um að sjá sóknarfæri heldur á að pakka í vörn sem er dæmd til að hrynja og stækkar bara þann vandamálapakka sem við er að glíma.

 

 

St. Jósefsspítala lokað hægt og hljótt

Gullknötturinn.

Þeir sem tilnefndir eru til Gullknattarins koma frá eftirtöldum liðum og deildum.

Á síðasta ári voru 3 Ensk lið í fjórðungsúrslitum Meistaradeildarinnar og því gaman að bera saman fjölda leikmanna frá þessum liðum og liðum annarra deilda. Enska og Spænska deildin bera höfuð og herðar yfir aðrar deildir í þessu vali.

Franska blaðið France Football stendur fyrir kjörinu.  

 

--------England---------

Evrópumeistarar  Manchester United. 4 leikmenn (Enskir Meistarar)

Chelsea 3 leikmenn

Liverpool 2 leikmenn

Arsenal 2 leikmenn    Alls 11 leikmenn úr Ensku Úrvalsdeildinni frá 4 liðum.

-------Spánn- (Evrópumeistarar Landsliða)----------------------

Real Madrid  5 Leikmenn (Spænskir Meistarar)

Athletico Madrid 1 leikmaður

Barcelona 3 leikmenn

Valencia 1 leikmaður

Villareal 1 leikmaður      Alls 11 leikmenn úr Spænsku-deildinni frá 5 liðum

------Ítalía-----------------

AC Milan 1 leikmaður

Inter Milan 1 leikmaður  (Ítalskir Meistarar)

Juventus 1 leikmaður  alls 3 leikmenn í Ítölsku-deildinni frá 3 liðum

Aðrar deildir eiga færri leikmenn.

 

Knattspyrnumennirnir sem eru tilnefndir til gullknattarins:

Emmanuel Adebayor (Arsenal), Tógó.
Sergio Agüero (Atletico Madrid), Argentinu.
Andreï Archavine (Zénith Saint-Pétersbourg), Rússlandi.
Michael Ballack (Chelsea), Þýskalandi.
Karim Benzema (Lyon), Frakklandi.
Gianluigi Buffon (Juventus Turin), Ítalíu.
Iker Casillas (Real Madrid), Spáni.
Cristiano Ronaldo (Manchester United), Portugal.
Didier Drogba (Chelsea), Fílabeinsströndinni.
Samuel Eto'o (FC Barcelona), Kamerún.
Cesc Fabregas (Arsenal), Spáni.
Fernando Torres (Liverpool FC), Spáni.
Steven Gerrard (Liverpool FC), Englandi.
Zlatan Ibrahimovic (Inter Milan), Svíþjóð.
Kaka (AC Milan), Brasilíu.
Frank Lampard (Chelsea), Englandi.
Lionel Messi (FC Barcelona), Argentínu.
Pepe (Real Madrid), Portúgal.
Franck Ribéry (Bayern), Frakklandi.
Wayne Rooney (Manchester United), Englandi.
Marcos Senna (Villarreal), Spáni.
Sergio Ramos (Real Madrid), Spáni.
Luca Toni (Bayern), Ítalíu.
Edwin van der Sar (Manchester United), Hollandi.
Rafael van der Vaart (Hamburg - Real Madrid), Hollandi.
Ruud van Nistelrooy (Real Madrid), Hollandi.
Nemanja Vidic (Manchester United), Serbíu.
David Villa (Valencia), Spáni.
Xavi (FC Barcelona), Spáni.
Youri Zhirkov (CSKA Moskva), Rússlandi.

Kemur ekki á óvart.

Ég sé að nokkrir bloggarar eru á því að sigur FSu sé hneyksli fyrir Njarðvík en ég get ekki verið sammála því.

Það er unnið gríðarlega öflugt starf í Körfubolta Akademíu Fjölbrautarskóla Suðurlands og það má ekki taka frá FSu. þarna er unnið gott uppbyggingarstarf sem er að skila sér í miklum gæðum og sannarlega má segja að árangurinn sé hraðari en flestir bjuggust við.

Þetta var þó bara fyrsti leikurinn í vetur og  kannski var eitthvað vanmat í gangi hjá Njarðvík?

Þetta segir líka öðrum liðum í Úrvalsdeildinni að FSu sé kannski ekki eins auðveld bráð og búast mætti við af nýliðum í deildinni.

En til hamingju FSu, frábær byrjun sem lofar góðu fyrir veturinn.

Stórsigur FSu gegn Njarðvík

Eyjafjöllin, fjölmennasta sveit landsins!

"Í manntalinu árið 1703 voru Fjöllin fjölmennasta sveit landsins með um 1100 íbúa, sem þá var um 2% af þjóðinni. Það segir kannski eitthvað um hversu gott er að búa undir Fjöllunum".

Þessi setning er af vefnum eyjafjöll.is sem er ætlaður ferðamönnum og áhugafólki um eyjafjöllin.

Ég hef verið að tileinka mér og rækta þann eiginleika að sjá nær mér en fjær, hvað ég hef í dag og hvort að græni liturinn á grasinu þarna hinumegin sé ekki bara sá sami. Í það minnsta að sjá í gegnum hyllingarnar.

Ég bý í Rangárþingi-Eystra og verð að viðurkenna að þó ég fari einstaka sinnum um sveitirnar þá helst Fljótshlíð og Eyjafjöllin þá er vitneskjan frekar yfirborðskennd um staðhætti, bæjarnöfn og sögu.

Ég var hinsvegar að skoða vef sveitarfélagsins og fann þá vefinn um Eyjafjöllin sem ég er mjög svo ánægður með og fullur af fróðleik.

Sveitarfélags-vefurinn hefur tekið mikilli framför og rétt að viðurkenna það sem vel er gert.

Þar er að finna mikið magn upplýsinga fyrir heimamenn, áhugafólk og gesti hvort sem er til afþreyingar eða hagnýtingar og hreinlega frábær til að undirbúa ferðalag.

Þetta átti ég að vita, en þegar sumt eins og náttúrufegurð Eyjafjallana og Hlíðarinnar er fyrir augum manns flesta daga þá vill þetta allt verða frekar venjulegt. Til dæmis þá gleymist oft fegurð Landeyjanna en þar er sama hvar þú ert, þú hefur þetta glæsilega útsýni um sveitirnar og svo Fjöllin, Hlíðin og Vestmannaeyjar.

Svo að ég er núna að skoða mitt hérað með öðrum hætti og setja mig í gests-hlutverk, sjáum til hvernig það gengur. En það er mikið að auðæfum hér á svæðinu í náttúrfegurð og sögu.

4 vikur eftir ólifaðar!

Hvað ætlar þú að gera við 28 dagana sem þú átt eftir ólifaða?

Myndir þú nota næstu 28 daga á sama hátt og þú gerir nú?

Hvað gerir fólk sem fær svona fréttir?

Ég er að velta fyrir mér þeirri spurningu hvort að dagarnir séu vel nýttir hjá okkur sem erum nokkuð heilbrigð. Erum við að gera það sem við áætluðum og alltaf ætlað okkur að gera?

Eða þegar viðkomandi fær slíkar fréttir vaknar viðkomandi upp við þá staðreynd að það sé ansi margt ógert?

Erum við að njóta líðandi stundar?

Kannski ert þú nú þegar að lifa lífinu eins og það sé rétt að klárast?

Oft er það þannig, að ég held með mörg okkar, við erum að vinna að ákveðnu marki og gleymum því að njóta líðandi stundar og þeirra sem við höfum í kringum okkur.

Hvað gerist á morgunn?

 

Þrumur og Eldingar.

Það er búið að rigna hressilega á Hvolsvelli í morgun, með áhlaupum. 

 

Og svo rétt í þessu tvær eldingar með þvílíkum látum sem ég hef bara ekki heyrt áður svona nálægt mér, og með þessum líka hávaða.

Veðrið er búið að vera frekar kúnstugt undanfarið og núna inná milli regnbylja þá birtir til en mjög dökkt í kring.

Er enginn veðurfræðingur en hef samt gaman að þessu, enn ein áminning um hversu lítilvægur einstaklingurinn er í  veröldinni þegar allur þessi kraftur losnar úr læðingi.

Gagnabanki á 5 tungumálum.

Landsöfnun sem Mænuskaðastofnun Íslands stendur fyrir nú er ætlaður til rannsókna á mænuskaða.

Ekki má gleyma því að Mænuskaðastofnunin stendur líka fyrir því að safna saman upplýsingum tengdum mænuskaða hvaðanæva úr heiminum og skiptir uppruni ekki máli, bara að upplýsingarnar komi að gagni.

Fyrir tilstilli Mænuskaðastofnunar Íslands hafa Íslensk heilbrigðisyfirvöld og Alþjóðlegu heilbrigðissamtökin WHO (World Health Organization) með stuðningi Evrópuráðsins sett á laggirnar alþjóðlegt samstarf um söfnun upplýsinga um ýmsar meðferðir og aðferðir sem hafa hugsanlega jákvæð áhrif á mænuskaða og bæta lífsgæði fólks sem hlotið hefur mænuskaða(SCI)

Verkefnið er byggt á þeirri trú að með opnum hug getum við púslað saman upplýsingum sem finnast um allan heim, hvort sem það er frá USA, Kína, Rússlandi og svo framvegis! Hvort sem þær upplýsingar eiga uppruna sinn í Austrænum eða vestrænum lækningum, rannsóknum frá stórum sem smáum Rannsóknastofum!

það er alvöru grundvöllur í dag til að sigrast á ráðgátunni en ekki bara fjarlægir draumórar.

Aðalmarkmið gagnabankans er að veita upplýsingar um þær fjölbreyttu aðferðir sem til eru, betur aðgengilegar fyrir einstaklinga með mænuskaða, fjölskyldur þeirra og velunnara.

Yfirmaður gagnabankans er Dr. Laurance Johnston Ph.D., MBA, og sér hann um að sannreyna allar þær upplýsingar sem verða hluti af gagnabankanum. Þýðendurnir eru allir læknir eða vísindamenn og koma frá Kúbu, Mexíkó, Ísrael, Kína og Rússlandi.

Gagnabankinn um mænuskaða er núna á 5 tungumálum:
ensku,spænsku,rússnesku,kínversku og arabísku.

Slóð : Gagnabanki SCI

Heiður og Hetjudáðir

Aðeins á síðari tímum hafa Navajo dulmálsfræðingar og aðrir Innfæddir Ameríkanar fengið viðurkenningu fyrir framlag sitt, sem leiddi til sigurs Bandaríkjana og vinþjóða í Heimsstyrjöldinni síðari.

Þó að aðrar deildir Bandaríska hersins hefðu nýtt málískur og einstaklinga úr hópum Oneida, Chippewa, Sauk, Foxes og Comanches til að búa til og lesa úr dulmáli þá var það Sjóherinn (Marine Corps) sem þróuðu stærsta verkefnið. Í lok stríðsins höfðu yfir 3600 Navajo Indjánar starfað fyrir Sjóherinn og þar af 420 eingöngu með dulmál.

Eftir að upp komst hversu auðvelt Japanir áttu með að leysa dulmálskerfi Bandaríska hersins kom Philip Johnson, stríðshetja úr fyrri heimsstyrjöldinni og sonur trúboða á landsvæðu Navajo fram með tilllögu um dulmáls kerfi byggt á fornu tungmáli Navajo Indjána.

Þegar örfáir Navajo Injánar höfðu verið fengnir til starfa náðist undraverður árangur, dulmál sem hafði tekið um 30 mínútur að útbúa og leysa, tók aðeins um 20 sekúndur fyrir þessa ungu Navajo menn að leysa með Navajo kerfinu!

Enginn ljósmynd kveikir meiri þjóðerniskennd í Bandaríkjunum en fána-reisingin á Iwo Jima!

Á þessari frægu ljósmynd er Pima Indjáni að nafni Ira Hayes, sem fagnaði sigri sem byggður var á dulmálstækni Navajo Indjána.

Ira Hayes var fallhlífahermaður og lenti 1945 á Iwo Jima með fimmtu árasardeild Sjóliða. Eftir stríð var hann hylltur sem Bandarísk stríðshetja, en hann var sakbitinn yfir því að vera einn af þeim sem lifðu af, þetta þjakaði hann.  Árið 1955 lést hann úr alkóhólisma og vosbúð á verndarsvæði sínu.

Dauði hans var sorglegur, en þó meir sú staðreynd að þrátt fyrir hetjudáðir sínar  fyrir Bandaríkinn þá var hann ekki viðurkenndur ríkisborgari. Amerískir Indjánar voru fyrst viðurkenndir þegnar Bandaríkjana árið 1948. Það breytti engu um arfleifð hans og annara Innfæddra Ameríkana sem lifðu og börðust í samræmi við kjörorð Sjóliðanns "Semper fi" Alltaf trúr.("always faithful")

Ráðgáta.

 

 

 

 

 

 

 

 

  " Ísland gæti orðið leiðandi afl í þeirri þróun að vestræn ríki taki ákveðin baráttumál í heilbrigðisgeiranum í nokkurs konar fóstur -safni fé og nýti til rannsókna og upplýsingagjafa á alþjóðavísu. "
- Guðlaugur Þór Þórðarson - heilbriðgisráðherra Íslands

Hvert örstutt spor

 Ég veit ekki hvernig ég á að orða það, en dag einn fyrir um það bil tveim og hálfu ári breyttist mitt líf varanlega á svipstundu, ekki þó eins harkalega eins og fyrir Pabba minn þá 56 ára þegar hann féll af hestbaki í árlegum Páskareiðtúr með vinum og ættingjum.

Ég gleymi ekki símtalinu frá frænda mínum sem sagði mér að það hefði orðið alvarlegt slys, og það var Pabbi minn sem varð fyrir því slysi. Sakleysisleg bylta af hesti að því er virtist í fyrstu, hafði þær afleiðingar að Pabbi er í dag lamaður frá hálsi og niður líkamann. Ef ekki fyrir snarræði frændfólks á staðnum þá væri Pabbi ekki á lífi. Hann hefur barist á hetjulegan hátt frá frá þeim degi í aðstæðum sem enginn getur annað en reynt að ímyndað sér. 

Hvert örstutt spor:

 Partur 1

 

Partur 2

 

Partur 3.

 

 

 

 

 

Sölustaðir:
Skrifstofa Mænuskaðastofnun Íslands, Dalvegur 16a, 201 Kópavogur, sími 564 1989

Debenhams, Smáralind
World Class, Laugar
World Class, Hafnarfjörður
World Class, Seltjarnarnes
World Class, Kópavogur
Skurðstofa Fossvogi, Valgerður Jónsdóttir
Fjórðungssjúkrahúsið Neskaupsstað, Elín Hjaltalín
Sjúkrahúsið á Akranesi, Ólafía Sigurðardóttir
Skurðstofa Hringbraut, Erlín Óskarsdóttir
Skurðstofa Kvennadeild, Áslaug Svavarsdóttir
Heilbrigðisstofnun Þingeyinga, Guðlaug Sigmarsdóttir

Sjúkrahús Húsavíkur

Fjórðungssjúkrahúsi Akureyrar, Anna Margrét Tryggvadóttir hjfr.

Sjúkrahúsi Siglufjarðar, Guðný Helgadóttir hjfr.
Sjúkrahúsi Keflavíkur, Ásdís Johnsen hjfr. skurðstofu

Sjúkrahúsi Ísafjarðar, Jóhanna Oddsdóttir hjfr. skurðstofu
Sjúkrahúsið á Selfossi, Hjördís Leósdóttir hjfr. skurðstofu

Sjúkrahúsi Vestmannaeyja, Hafrún Harðardóttir hjfr. skurðstofu

og fleiri eru að bætast við daglega...




Sérstök söluátak verða
helgina 13. og 14. sept
fimmtudaginn 18. sept.
föstudaginn 19.sept í Kringlunni og Smáralind.


Að lokum minnum við einnig á styrktarreikning Mænuskaðastofnunar:
311 - 26 - 81030     Kennitala: 411007-1030



Safnféð verður notað í þágu stofnunar og nýtt til að bæta meðferðir við mænuskaða. Svo vel megi til takast bið ég alla Íslendinga um að leggjast á sveif með mér og marka djúp spor til frambúðar.
Í staðinn get ég aðeins lofað að standa vörð um hugsjónina og bregðast ekki því trausti sem þjóðin sýnir málstaðnum.

Með þakklæti,
Auður Guðjónsdóttir
hjúkrunarfræðingur og formaður stjórnar Mænuskaðastofnunar Íslands