Winston Churchill og Íslendingar

Stýrimaður um borð sagði mér frá því, eftir að hann koma frá námskeiði í Liverpool, þeirri ágætu Tónlistarborg!

Að hann hefði náð Englendingum fljótt á sitt band varðandi deilur ríkjanna í fjárviðrinu sem hefur ríkt!

Hann hefði einfaldlega bent þeim á að Winston Churchill sjálfur hefði sagt að Englendingar myndu aldrei gleyma stuðningi Íslands við Breta í seinni heimsstyrjöldinni.

Þar sem um eða yfir 280 Íslenskir sjómenn létu lifið í tengslum við birgðaflutninga og fiskigjafir til Englendinga á þeim stríðstímum.

Darling/Brown ættu kannski að fá smá sögukennslu.

 

Íslenskir hryðjuverkamenn?

Nokkrir framtaksamir Íslendingar hafa komið af stað undirskriftasöfnun vegna hryðjuverkalaganna sem á okkur voru sett í Bretlandi.

Mig langar að taka þátt með því að minna á þessa síðu og benda fólki á að skrá sig og sýna samhug í verki!

Smellið hér!  

Mikilvægt er að benda Bretum og öðrum á og leiðrétta þennan verknað til að takmarka skaðann, sem þegar er orðinn mjög mikill, svo vægt sé orðað.

Heimasíða hópsins: In Defence

Hr Öfundur og Frk Græðgi.

Það er öfundsvert að búa á Íslandi en ekki fyrir fjármálaumhverfið. Hvergi taka Bankar almenning eins hressilega í þurrt rassxxxxð eins og hér á landi, svo vilja þeir íbúðalánasjóð burt af markaðnum! 

Hér er bilið milli ríkra og fátækra vaxandi á ógnarhraða eins og annarstaðar í heiminum þrátt fyrir yfirlýstan vilja yfirvalda um allan heim að sporna við þeirri þróun.

Sjáum nú bara hversu auðvelt það var að hækka laun þeirra hæstlaunuðu í kerfinu á meðan barningur var að leiðrétta kjör Ljósmæðra sem þó fengu bara hluta leiðréttan!

Nú eru Læknar að hefja sýna baráttu fyrir bættum kjörum. Ég ber gríðarlega virðingu fyrir Læknum og hjúkrunarfólki almennt. En ég hef áhyggjur af því að þessi launabarátta verði alltaf eins og pissukeppni hjá smástrákum í sandkassa, jú eru ekki flestir Læknar karlkyns... ennþá! Þá erum við kominn útí launamun kynjanna líka!

En ég ætlaði ekki þessa leið, ég ætlaði að tala um raunverulega ástæðu þess að við Íslendingar erum öfundsverðir sem er landið okkar og þau lífsgæði sem við höfum þess vegna, hrein náttúra, hafið, og ferska vatnið. Hér á öllum að geta liðið vel. 

Mig langar aðeins að fara útí málefnin um hreina vatnið sem við látum renna óheft til að fá það aðeins kaldara (gleymdi að fylla klakaboxið)og förum ósparlega með. Nú er verið að reisa vatnstöppunarverksmiðjur víða og væntanlega eru miklir möguleikar í framtíðinni að selja Íslenskt hreint vatn og þá koma til væntanleg vatnalög.

Vatn er auðlind okkar allra en nú er kominn græðgiglampi í augun á ýmsum og hættan er sú að nokkrum góðum vinum verði afhent vatnsréttindin líkt og gert var með Bankana og svo framvegis......... Þetta er að verða svolítið fyrirsjáanleg sápuópera. 

Vandamálið er og væntanlega verður, hann Hr Öfundur og vinkona hans Frk Græðgi.

 

 

Íslendingar öfundsverðir

Heiður og Hetjudáðir

Aðeins á síðari tímum hafa Navajo dulmálsfræðingar og aðrir Innfæddir Ameríkanar fengið viðurkenningu fyrir framlag sitt, sem leiddi til sigurs Bandaríkjana og vinþjóða í Heimsstyrjöldinni síðari.

Þó að aðrar deildir Bandaríska hersins hefðu nýtt málískur og einstaklinga úr hópum Oneida, Chippewa, Sauk, Foxes og Comanches til að búa til og lesa úr dulmáli þá var það Sjóherinn (Marine Corps) sem þróuðu stærsta verkefnið. Í lok stríðsins höfðu yfir 3600 Navajo Indjánar starfað fyrir Sjóherinn og þar af 420 eingöngu með dulmál.

Eftir að upp komst hversu auðvelt Japanir áttu með að leysa dulmálskerfi Bandaríska hersins kom Philip Johnson, stríðshetja úr fyrri heimsstyrjöldinni og sonur trúboða á landsvæðu Navajo fram með tilllögu um dulmáls kerfi byggt á fornu tungmáli Navajo Indjána.

Þegar örfáir Navajo Injánar höfðu verið fengnir til starfa náðist undraverður árangur, dulmál sem hafði tekið um 30 mínútur að útbúa og leysa, tók aðeins um 20 sekúndur fyrir þessa ungu Navajo menn að leysa með Navajo kerfinu!

Enginn ljósmynd kveikir meiri þjóðerniskennd í Bandaríkjunum en fána-reisingin á Iwo Jima!

Á þessari frægu ljósmynd er Pima Indjáni að nafni Ira Hayes, sem fagnaði sigri sem byggður var á dulmálstækni Navajo Indjána.

Ira Hayes var fallhlífahermaður og lenti 1945 á Iwo Jima með fimmtu árasardeild Sjóliða. Eftir stríð var hann hylltur sem Bandarísk stríðshetja, en hann var sakbitinn yfir því að vera einn af þeim sem lifðu af, þetta þjakaði hann.  Árið 1955 lést hann úr alkóhólisma og vosbúð á verndarsvæði sínu.

Dauði hans var sorglegur, en þó meir sú staðreynd að þrátt fyrir hetjudáðir sínar  fyrir Bandaríkinn þá var hann ekki viðurkenndur ríkisborgari. Amerískir Indjánar voru fyrst viðurkenndir þegnar Bandaríkjana árið 1948. Það breytti engu um arfleifð hans og annara Innfæddra Ameríkana sem lifðu og börðust í samræmi við kjörorð Sjóliðanns "Semper fi" Alltaf trúr.("always faithful")

Hvert örstutt spor

 Ég veit ekki hvernig ég á að orða það, en dag einn fyrir um það bil tveim og hálfu ári breyttist mitt líf varanlega á svipstundu, ekki þó eins harkalega eins og fyrir Pabba minn þá 56 ára þegar hann féll af hestbaki í árlegum Páskareiðtúr með vinum og ættingjum.

Ég gleymi ekki símtalinu frá frænda mínum sem sagði mér að það hefði orðið alvarlegt slys, og það var Pabbi minn sem varð fyrir því slysi. Sakleysisleg bylta af hesti að því er virtist í fyrstu, hafði þær afleiðingar að Pabbi er í dag lamaður frá hálsi og niður líkamann. Ef ekki fyrir snarræði frændfólks á staðnum þá væri Pabbi ekki á lífi. Hann hefur barist á hetjulegan hátt frá frá þeim degi í aðstæðum sem enginn getur annað en reynt að ímyndað sér. 

Hvert örstutt spor:

 Partur 1

 

Partur 2

 

Partur 3.

 

 

 

 

 

Sölustaðir:
Skrifstofa Mænuskaðastofnun Íslands, Dalvegur 16a, 201 Kópavogur, sími 564 1989

Debenhams, Smáralind
World Class, Laugar
World Class, Hafnarfjörður
World Class, Seltjarnarnes
World Class, Kópavogur
Skurðstofa Fossvogi, Valgerður Jónsdóttir
Fjórðungssjúkrahúsið Neskaupsstað, Elín Hjaltalín
Sjúkrahúsið á Akranesi, Ólafía Sigurðardóttir
Skurðstofa Hringbraut, Erlín Óskarsdóttir
Skurðstofa Kvennadeild, Áslaug Svavarsdóttir
Heilbrigðisstofnun Þingeyinga, Guðlaug Sigmarsdóttir

Sjúkrahús Húsavíkur

Fjórðungssjúkrahúsi Akureyrar, Anna Margrét Tryggvadóttir hjfr.

Sjúkrahúsi Siglufjarðar, Guðný Helgadóttir hjfr.
Sjúkrahúsi Keflavíkur, Ásdís Johnsen hjfr. skurðstofu

Sjúkrahúsi Ísafjarðar, Jóhanna Oddsdóttir hjfr. skurðstofu
Sjúkrahúsið á Selfossi, Hjördís Leósdóttir hjfr. skurðstofu

Sjúkrahúsi Vestmannaeyja, Hafrún Harðardóttir hjfr. skurðstofu

og fleiri eru að bætast við daglega...




Sérstök söluátak verða
helgina 13. og 14. sept
fimmtudaginn 18. sept.
föstudaginn 19.sept í Kringlunni og Smáralind.


Að lokum minnum við einnig á styrktarreikning Mænuskaðastofnunar:
311 - 26 - 81030     Kennitala: 411007-1030



Safnféð verður notað í þágu stofnunar og nýtt til að bæta meðferðir við mænuskaða. Svo vel megi til takast bið ég alla Íslendinga um að leggjast á sveif með mér og marka djúp spor til frambúðar.
Í staðinn get ég aðeins lofað að standa vörð um hugsjónina og bregðast ekki því trausti sem þjóðin sýnir málstaðnum.

Með þakklæti,
Auður Guðjónsdóttir
hjúkrunarfræðingur og formaður stjórnar Mænuskaðastofnunar Íslands

 

Mænuskaðastofnun Íslands

Mig langar að minna á Landssöfnun stofnunarinnar þann 19. September í opinni dagskrá Stöðvar 2.

Það er mikil þörf á stofnun sem þessari og í raun með ólíkindum að hún hafi verið stofnuð fyrir tilstuðlan einstaklinga, í fararbroddi þeirra mæðgna Auðar Guðjónsdóttir og Hrafnhildar G. Thoroddsen.

Þær mæðgur hafa unnið ómetanlegt starf fyrir frekar daufum eyrum stjórnvalda hingað til en einstaklingar og fyrirtæki hafa eitthvað tekið við sér. Starf þeirra mæðgna hefur vakið athygli á alþjóðavísu og í raun meiri en á Íslandi.

Mænuskaðastofnun Íslands er stofnuð af háleitri hugsjón.
Vonandi mun framlag íslensku þjóðarinnar til alþjóðlegrar mænuskaðabaráttu skila árangri um ókomna framtíð.

(fengið að láni af heimasíðunni www.isci.is) 

Þess er sjálfsagt að geta að frábært starfsfólk á Endurhæfingardeild Landspítalans að Grensási hefur skilað mörgum kraftaverkum, en húsnæðið að Grensási er löngu sprungið, meðal annars vegna aukningar á mænusköðum í okkar hraða samfélagi.

Verndari stofnunarinnar er frú Vigdís Finnbogadóttir.

Styrktarreikningur Mænuskaðastofnunar er

311 - 26 - 81030 Kennitala 411007-1030 

" Það getur haft stórkostlega þýðingu fyrir heimsbyggðina að vel menntuð og vel efnum búin þjóð tali máli mænuskaðans við þjóðir heimsins og beiti pólitískum áhrifum sínum til framfara á þessu sviði læknavísindanna "
- frú Vigdís Finnbogadóttir - forseti Íslands 1980 - 1996 

Heimasíðan er www.isci.is

Fjölskylduvæna Ísland

Er bara ein leið í boði? ÚR LANDI!

Fréttir frá USA eru á þann veg að Íslendingar eru að koma sér í vanda þar vegna svipaðra mála, þurf að dúsa í fangelsi og eru síðan sendir heim. En mér finnst Bandaríkjamenn ekkert til fyrirmyndar í þessum málum!

Ég hef nefnt það áður í bloggi að það vanti uppá stuðning frá ríkinu til þess að við lendum ekki í sama vanda og hinar norðurlandaþjóðirnar í innflytjendamálum.

Alþjóðahús er eina aðstoðin sem ég veit um, lýsir kannski vanþekkingu minni á málinu en vandamálinn eru amk að hrannast upp!

Auðvitað verður fólk að einhverju leiti að bera ábyrgð á stöðu sinni og bera sig eftir aðstoð!

Ég skil það vel þegar einstaklingur eins og þessi, í fullri vinnu og býr hjá fjölskyldu sinni, þá sé hætta á að fólk sé ekki vakandi yfir landvistarleyfi. 

Þó að sú umsókn hafi misfarist, þá finnst mér athyglivert að það virðist einhver nauðsyn og sjálfgefið að senda fólk úr landi! Hvers hagur er það? Eða erum við bara að APA þetta eftir USA!

Þetta minnir á framkomu Georgs Bjarnfreðarsonar (úr Næturvaktinni) sem Jón Gnarr lýsti einhvernvegin á þann hátt að væri samansafn af öllu því versta í fari fólks.

Maður fær það á tilfinninguna að hjá Innflytjendastofnun séu bara Georg Bjarnferðarsynir í vinnu!

Næturvaktin fær mann þó til að brosa yfir öfgunum og vitleysunni, vegna þess að þar er um skáldskap að ræða(vonandi)!

Hér er hinsvegar um fjölskyldu að ræða sem einfaldlega þarf aðstoð halda og hana hlýtur að vera hægt að veita hér á landi á meðan umsókn mannsins er tekinn fyrir!

Og það hlýtur að vera kominn tími á að yfirvöld fari að taka í gegn Fjölskyldustefnu sína!

Kom 17 ára – sendur úr landi 23 ára

Áfangasigur mannréttinda.

Vonandi hafa stjórnvöld nú tekið upp stefnubreytingu til hins betra í meðferð flóttamanna og það varanlega!

Hér er oft talað um að okkur Íslendingum þurfi að fjölga, sem á að vera gott fyrir hagkerfið!

Því þarf að efla meira aðstoð við flóttafólk sem og aðra innflytjendur til að aðlagast lífinu á Íslandi svo að þeir verði virkari samfélagsþegnar.

En ekki senda fólk sem hefur ekkert sér til saka unnið skoðunarlaust til baka.

 

Ramses kemur í nótt

Áminning

Hún Berglind Elva systir mín sendi mér póst sem innihélt nokkrar myndir sem eiga erindi við alla.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ég gæti trúað að það væri verið að minna okkur á að vera þakklát fyrir

það sem við höfum hér á klakanum :)

Áfram Ísland!

Hagsmunir þjóðar!

Það er að mörgu að huga þegar hagsmunir þjóðar eins og Kína eru annars vegar!

Fáfróður landbyggðarmaður eins og ég gerði mér ekki grein fyrir mikilvægi þess að vera ekki með skakkar tennur í söngatriði, þrátt fyrir einstaka sönghæfileika.

Ég rakst á þessa grein í vísi.is og hafði gaman að. Ekki vegna blekkinga leikja Kínverja í kringum Ólympíuleikanna, heldur var ég haldin þeirri ranghugmynd að Kínverjar væru ekki jafn hégómlegir og við vesturlandabúar.

Þegar svona skipun kemur frá Kommúnista flokknum sjálfum varðandi útlitsdýrkun þá eru þeir búnir að tapa í hnígandi valda stefnu sinni, sem að þeirra sögn snýst um jöfnuð.

En það er að sjálfsögðu barnaskapur í mér að búast við öðru þegar mannréttindi eru eins og þau eru í sama landi.

Útlitsdýrkun er og verður sjálfsagt alltaf til staðar, allstaðar. 

 

Með of skakkar tennur fyrir Ólympíuleikana

Peiyi, til hægri, þótti ekki nógu sæt fyrir opnunarhátíðina.

Litla stúlkan sem söng sig inn í hug og hjörtu heimsbyggðarinnar á opnunarhátíð Ólympíuleikanna í Peking söng alls ekki neitt, heldur hreyfði bara varirnar. Stúlkan vakti mikla athygli fyrir „söng" sinn, og mætti í kjölfarið í viðtöl hjá öllum helstu fjölmiðlum landsins.

Tónlistarstjóri leikanna sá sig hinsvegar knúinn til að leiðrétta platið. Í viðtali hjá útvarpsstöð í Peking sagði hann að sú sem söng sé Yang Peiyi, sjö ára stúlka sem vann erfiða samkeppni um að fá að syngja lagið, sem heitir „Óður til föðurlandsins", á leikunum.

Skömmu fyrir hátíðina tilkynnti meðlimur í kínverska kommúnistaflokknum, sem hafði fylgst með æfingu, að sigurvegarinn væri kannski með fullkomna rödd, en hentaði ekki í hlutverkið þar sem hún væri með svo skakkar tennur.

Á opnunarhátíðinni sjálfri var þessvegna íðilfögur níu ára grunnskólamær frá Peking, Lin Miaoke, fengin til að hreyfa varirnar við upptöku á rödd Peiyi.

Tónlistarstjórinn, herra Chen, varði ákvörðunina í viðtalinu þar sem hann sagði það sem mestu máli skipti vera hagsmuni þjóðarinnar. Barnið á skjánum þyrfti að vera óaðfinnanlegt, útlit jafnt sem innri maður. Yang Peiyi hefði verið fullkomin, allt þar til athyglin beindist að tönnum hennar.

Þetta var ekki það eina sem var fegrað fyrir opnunarhátíðina. Í gær kom í ljós að hluti flugeldasýningarinnar sem birtist sjónvarpsáhorfendum hefði verið tölvuteiknaður.